السلام على قطيع الكفين الشاعره ام حسين المحمداويه مع رابطة شاعرات الچفوف السخيه

قصيده وصيه امير المؤمنين اللامام العباس ع بسيده زينب



الوالد لوعاف العيله
اوصيته ابنيته وكل حيله

سلــــمها الكفاله الاصعب ايام
طبك چف المروه بچف الالام

بالك عليها …بالك عليها

……——…..——…..——…
للبچي اهتزت جفونه والدمع بصمه عله خد
الوالد يوصي بوصيته خلصت ايامه بعد
يابو فاضل يبني اريدك يكله وحيله نفكد
دموع زينب المـني جرحي لاماله ضمد

يابويه انه اوصيك اعليها
وبيوم العاشر داريها

لاترگض يبويه بوج الخيام
طبك چف المروه بچف الالام

بالك عليها …بالك عليها
……——…..——…..——…
لوتوج باجر خيمهاوالجمر دخانه نار
خاف اخيتك نص جدمها اللسع ياخذله ثار
اعرف وزين انه افهمك ابد ما حاجه القرار
لاكن الخط هالقضيه رسم موعد انتظار

بالطف عهدك خله ليها
وبيوم العاشر داريها

لوغمٌض الشوف وهوى الصمصام
طبک جف المروه بچف الالام

بالك عليها،،، بالك عليها

……——…..——…..——…
يبني ياضرغام تدري جرح لبراسي الـچـم
يوم شافتني العقيله عليه رگضتهه بألم
شلون بيها بيوم عاشرضلع اخيها ينهشــم
تهيم بين الجثث ساعه نوبه تشـكف بسهـم

هامت لحسين وملهوفه
ياجرح الي بجسمه تروفه

تتعــثر اخـــيتك بــين الزلام
طبك چف المروه بچف الالام

بالك عليها …بالك عليها
……——…..——…..——…
ولاتخليها تشاوط جنها بالمروه وصفه
مره عل تله بفزعها الصوت من عدها خفه
نوبه يم نار المخيم لجمره لهابه صفه
وشمر يضحك عليها بچتل الحسين اشتفه

انطيها اعيونك والرايه
لاتكصر يوليدي بهــايه
وسجاد الحسين اعليها محتام
طبك چف المروه بچف الالام

بالك عليها …بالك عليها
……——…..——…..——…
ابن اخوك اليشل جرحه بحفنة اتراب الاسر
يلّجم كل مايعاين سوط لبعمته جسر
بويه ضيم بمر عليهم مايجاديه كل عَسر
يمتحن والمحنه شطرت بالضلوع شجم كسر

ياطارش يمك يوصلك
عن حال العيله ويگلك

يبو ريشات مادنكن الهام
طبك چف المروه بجف الالام
بالك عليها …بالك عليها

……——…..——…..——…
بويه عد عينك اوليدك لاتوصي وتدري زين
روحي انطيها وجفوفي للأخوّه اهديه عين
ليك اوفيهن عهودي لاتهم لايالحنين
الرايه ماتوكع بزندي شاهده عليها السنين

ضرغامك من ضهر الهيبه
العايل من ذانــه يجيبه

بس اعذرني صعبه روحت الشام
طبك چف المروه بچف الالام

بالك عليها …بالك عليها

……——…..——…..——…
تمت بااقلام شاعرات اهل البيت ع
✍🏻ام احمد العبوديه زبير
ام حسين المحمداويه

https://t.center/alkfoofalskea

☘قصيده للامام علي ع ☘

في ليلة الواحد وعشرين

لسان حال المعزيات👉

الوزن // فائزي من بحر الرجز
مستفعلن مستفعلن مستفعلاتن


وين التعازيني وتجي تتگابل وياي
نتحزم حزام العلي والطبرته اعداي


مترادي هليله علي بهاي المسيه
ويلوج من كثر الوجع سوده عليه
ياحيف ماينفع  دوه الحامي الحميه

كلنه نواسي ام الحسن بالفاجعه هاي
نتحزم احزام العلي والطبرته اعداي

✍☘ام فراس الساعدي ☘

🏴🏴🏴🏴🏴

طبرته وصلت للعظم والسيف مسموم
وعيونه سهرانه علي ماشايف النوم
شيبه ولحيته امخضبه من فيض الدموم
صايم وطبرو هامته ماضايگ الماي

نتحزم احزام العلي والطبرته اعداي
✍ام مرتضى الخزرجي
🏴🏴🏴🏴🏴

ياوسفه هليله علي يودعها دنياه
وشلون اولاده تضل ويلي بلياه
وايتامه اتحن وتون للدوم تنعاه

لو بيدنه نفدي العمروالراح والجاي

نتحزم احزام العلي والطبرته اعداي
✍🏻ام سجاد الشهيد
🏴🏴🏴🏴🏴

مصيوب مولانه علي و حاله تراده
هاليوم وصه اوصيته وجامع اولاده
ودموعها عالخد جرن عمت الساده
يعين گلب ام الخدر بالفاجعه هاي

نتحزم احزام العلي والطبرته اعداي
✍️ ام مهدي الفرطوسيه
🏴🏴🏴🏴🏴
هاي مصيبه ماجرت الله اكبر
ضلّت العيله معوله بعبره اتحسر
الابو خيمه ياخلك وافراكه مخسر

لوراح يعني ينگشع ياوادم فياي

نتحزم احزام العلي والطبرته اعداي
ام حسين المحمداويه
~~

يعين الله كلب ام الحزن فكدت وليها
خيمتها طاحت للاسف لتفي عليها
مكتوب اظن ليها الدمع دوم وبجيها
من المصايب والقهر يكليبها لاي
نتحزم احزام العلي والطبرته اعداي

✍🏻ام عباس السكيني

~~~
تمت باقلام رابطة شاعرات الچفوف السخيه

https://t.center/alkfoofalskea

كركيعان كركيعان هاليله ميلاد الحسن
كركيعان كركيعان العيون ابد ميغمضن

للصبـــــــح الافراح🌹
گلب المحب مرتاح🌹
كركيعان كركيعان هالليله ميلاد الحسن

❥❍❥❃ 💕꧁꧂💕❃❥❍❥

انهني كل دار المسه
وكل ولد لمه يحرسه
شيعة علي مستانسه

شموع وعطر فواح🌹
گلب المحب مرتاح🌹

والافراح والافراح.. محلاهن علينه اگبلن
كركيعان كركيعان هليله ميلاد الحسن


✍🏻نبضي حسين

❥❍❥❃ 💕꧁꧂💕❃❥❍❥

الافراح عمت كل بلد

اشمحلاه ياهاذا الولد

جبريل هزه بالمهد

حسه بعلو صــداح🌹
گلب المحب مرتاح🌹

هله صاح هله صاح لملاك بي استبشرن

كركيعان كركيعان
هلليله ميلاد الحسن

✍🏻ام زين العابدين لمحمداويه

❥❍❥❃ 💕꧁꧂💕❃❥❍❥

طلعو بهلاهل بسلف

جبريل هليله هتف

مولد ابن خير الشرف

طشو الورد قـــداح🌹
گلب المحب مرتاح🌹

والنجمات النجمات ضون سماهن وشرقن
كركيعان كركيعان هليه ميلاد الحسن

✍🏻خـادمـة الزهـراءام احمد العبوديه زبير

❥❍❥❃ 💕꧁꧂💕❃❥❍

انوار الحسن امشعشعه

مثل الشمس الساطعه

والزهره تشكر قانعه

من الگلب سبـــاح🌹
گلب المحب مرتاح🌹

والجنان والجنان للحسن كلهن ازهرن

كركيعات كركيعات.. هليله ميلاد الحسن

✍🏻ام رحمه الگاظميه

❥❍❥❃ 💕꧁꧂💕❃❥❍❥

هل الفرح جيت الحسن

وارض و سمه يتباشرن

طيور السعاده رفرفن

يامحله هل المصباح🌹
گلب المحب مرتاح 🌹
حور العين حور العين.. بالجنه هنه هلهلن
كركيعان كركيعان هليه ميلاد الحسن

✍🏻ام مهدي الفرطوسيه


❥❍❥❃ 💕꧁꧂💕❃❥❍❥



شعلو الشمع لاجل الفرح

وكل گلب ابجيته انشرح

وطير السعد غنه اوصدح

فرحان مد الجنـاح🌹
گلب المحب مرتاح🌹

مسرات مسرات جيت الكريم بكل زمن
كركيعان كركيعان هليله مولود الحسن

✍ام مرتضى الخزرجي

تمت باقلام شاعرات رابطة الكفوف السخية

https://t.center/alkfoofalskea

نعي.لوداع امير المؤمنين عليه السلام لسان حال مولاتي زينب عليها السلام،،،،،، الوزن نصاري
🖊️🖊️🖊️🖊️🖊️🖊️🖊️🖊️🖊️

اسم الله بعلي جاوين ماشين
ريض بلجنازه اشويه يحسين
وارد اشبع اموادع ويه الحنين

ريض بالنعش خليني اودعه
ومن اليوم صوته مااسمعه
صدعني البين بي اشلون صدعه

شالو هلك وايس يكلبي 😭

عاشقة✍🏻 العباس ام عراق الشمريه
➖➖➖➖💔

بطلعت هلنعش دلالي ممرود
رايح يالولي وشيرده اردود
وهيهات الابو يخواني ايعود

شيعودهم روحي عليله
نبضي ✍🏻حسين
➖➖➖💔➖➖➖➖💔
ريضو لي يهل ماشين بالحيد
اعايدمن بعد لو جاني العيد
ضل گلبي عليه مِكدر يصنديد

ما شفت الفرح لحگيلي يمي
ام ✍🏻رحمه الگاظميه
➖➖➖💔➖➖➖➖💔➖➖
يالشلت النعش حط روحي وياه
يحسين العمر ماريده بجفاه
موتي اويه الابو هاليوم انه اهواه
احوه ياناري سريه
✍ام اسعد الشمري
➖➖➖💔➖➖➖➖💔➖➖
انه ماريد روحي اخلاف عيناه
وماهيدن اضلن دوم انعاه
ياابوي الحنين اشلون انساه
عميه عليك اليوم عيني
✍️ ام مهدي الفرطوسيه

➖➖➖💔➖➖➖➖💔➖➖شابعني الوكت طكات طكات
اخذ مني علي راعي المروات
ما تفرح بعد ياروحي هيهات

دولبني الوكت شلون دولاب

ام✍🏻 زين العابدين لمحمداويه
➖➖➖💔➖➖

مانسه الجفاني وخلف احزان
انصب مجلسه كل سنه برمضان
ينطر الكلب لو صاح الاذان

الي بصوت الاذان وياه ذكرى يابويه


خادمة الموعود الغزي

➖➖➖💔➖➖➖➖💔➖➖



تمت بعون الله بقلام شاعرات رابطة الجفوف السخيه



https://t.center/alkfoofalskea

قصيده لمولانه امير المؤمنين عليه السلام
~~~~
وداعيه هذا اليوم... يا مولانه
ايسنه منه يگوم.... يا مولانه

بمنازع واخطار... يا مولانه
نذرف دمع مدرار.. يا مولانه
ضايع دوه الكرار... يا مولانه
ومأيسين اتطيب يا رجوانه... حاحا
نبضي✍🏻 حسين
┈┉━━ • ✲ •  📜 • ✲ • ━━┉┈
اوداع ابو الحسنين~~يا مولانه
وازانه بيك البين ~~يا
مولانه
شايل و رايح وين ~~يا مولانه

روحي تون عليه وحزنانه احا احا

ام ✍🏻زين العابدين لمحمداويه
┈┉━━ • ✲ •  📜 • ✲ • ━━┉┈

يعالج ابو الحملات ٠٠٠ يامولانه
ايطيب الجرح هيهات ٠٠٠يامولانه
وبگلوبنه حسرات يامولانه

مشمتين اليوم بيه عدوانه
احا احا
✍️ ام مهدي الفرطوسيه

┈┉━━ • ✲ •  📜 • ✲ • ━━┉┈

رد الطبيب اليوم. يامولانه
خله الكلب ملجوم. يامولانه
كال الجرح مسموم يامولانه

محزن عليه الحسن وي خوانه. احا احا


خادمة الموعود الغزي
┈┉━━ • ✲ •  📜 • ✲ • ━━┉┈


اليوم الولي مصيوب/ يامولانه

عليه الدليل ايذوب/ يامولانه

جرحه خطر ويلوب/يامولانه

تصرخ يتامه ياعلي يحمانه

✍ام اسعد الشمري
┈┉━━ • ✲ •  📜 • ✲ • ━━┉┈

ارض وسماهه اتنوح يامولانه

اعليك بگلب مجروح يامولانه

تصب الدمع مسفوح يامولانه

اتعوفنه يالبيك كل رجوانه

✍ام مرتضى الخزرجي

*********
https://t.center/alkfoofalskea

نعي.لوداع امير المؤمنين عليه السلام لسان حال مولاتي زينب عليها السلام،،،،،، الوزن نصاري
🖊️🖊️🖊️🖊️🖊️🖊️🖊️🖊️🖊️

اسم الله بعلي جاوين ماشين
ريض بلجنازه اشويه يحسين
وارد اشبع اموادع ويه الحنين

ريض بالنعش خليني اودعه
ومن اليوم صوته مااسمعه
صدعني البين بي اشلون صدعه

شالو هلك وايس يكلبي 😭

عاشقة✍🏻 العباس ام عراق الشمريه
➖➖➖➖💔

بطلعت هلنعش دلالي ممرود
رايح يالولي وشيرده اردود
وهيهات الابو يخواني ايعود

شيعودهم روحي عليله
نبضي ✍🏻حسين
➖➖➖💔➖➖➖➖💔
ريضو لي يهل ماشين بالحيد
اعايدمن بعد لو جاني العيد
ضل گلبي عليه مِكدر يصنديد

ما شفت الفرح لحگيلي يمي
ام ✍🏻رحمه الگاظميه
➖➖➖💔➖➖➖➖💔➖➖
يالشلت النعش حط روحي وياه
يحسين العمر ماريده بجفاه
موتي اويه الابو هاليوم انه اهواه
احوه ياناري سريه
✍ام اسعد الشمري
➖➖➖💔➖➖➖➖💔➖➖
انه ماريد روحي اخلاف عيناه
وماهيدن اضلن دوم انعاه
ياابوي الحنين اشلون انساه
عميه عليك اليوم عيني
✍️ ام مهدي الفرطوسيه

➖➖➖💔➖➖➖➖💔➖➖شابعني الوكت طكات طكات
اخذ مني علي راعي المروات
ما تفرح بعد ياروحي هيهات

دولبني الوكت شلون دولاب

ام✍🏻 زين العابدين لمحمداويه
➖➖➖💔➖➖

مانسه الجفاني وخلف احزان
انصب مجلسه كل سنه برمضان
ينطر الكلب لو صاح الاذان

الي بصوت الاذان وياه ذكرى يابويه


خادمة الموعود الغزي

➖➖➖💔➖➖➖➖💔➖➖



تمت بعون الله بقلام شاعرات رابطة الجفوف السخيه



https://t.center/alkfoofalskea

قصيده جنوبيه لمولانه امير المؤمنين عليه السلام لسان حال السيده زينب عليها السلام
~~~~

ابهونك يالولي ريضنه اشواي
من غيرك تميل الدنيه وياي
~~💔
ريض ياعلي يابعد العيون
صعب اموادعك ياراهب الكون
حسن وحسين اشوفنهم ينوحون

ترضه يالولي چا انته ابهاي

ام✍🏻 زين العابدين لمحمداويه
~~~~~💔💔
ترضه شلون من دونك يتامه
يبعد الروح ياوسفه وندامه
اجانه العيد ياليث الامامه
فدوه الروح الك يالبيك رجواي

ام✍🏻 رحمه الگاظميه
~~~~~💔💔

ياحيدر تـره اوداعـك ضهدني
موش انا الاميـــره الي تحبني
شبسرعه يبـو الحملــــه تملني
تعبتك اظن يــــابــــوي بــرباي

✍️ام عــدنــان سياحي
~~~~~💔💔
يتچاية حمل من طاح حمله
وداعك يالابو وهاي عمله
يتطشر بيتنه من يلم شمله
واضل مدوهنه عكبك ياراحاي
ام حسين المحمداويه
~~~~~💔💔
صعب اوداع ابوي اولينه جتال
ناحل صبح حيله اوحاله ياحال
اعاينله ودمه بعيوني همال
ينور البيت ردلي منته لفياي

✍ام مرتضى الخزرجي
~~~~💔💔
اصيحن للحنين اليسمع الصوت
مااسمع جواب وصار بسكوت
چنك سلمت يابوي للموت
باچر افگدك وتزيد بلواي
من غيرك تميل وياي دنياي


خادمة✍🏻الموعود الغزي
~~~~💔💔

تراني اوداعتك مااحمل افراگ
گلبي يالولي الشوفتك يشتاگ
اوداعك ياعلي لروح حراگ
يانجمه التلالي دوم بسماي

✍ ام مهدي الفرطوسيه
~~💔💔
تمت بعون الله بقلام شاعرات رابطة الجفوف السخيه

https://t.center/alkfoofalskea

قصيده للامام علي ع

ياحيدر علي ياداحي الباب
اليتامه تنوحلك والدمع سچاب
اجو عنك يسألون /والشوفك يريدون
محمله اکلوبهم اهات واعتاب
ياحيدر علي ياداحي الباب

اليتامه تنوح وتهل دمعه العين
بعدك يالولي يصفون چاه وين
ضاعو من بعد عينك يبو حسين

بقو عگبك حياره
ومدمعهم تجاره
حسافه تعوفهم وتنام بتراب
حيدر ياعلي ياداحي الباب

✍️ ام مهدي الفرطوسيه

🏴🏴🏴🏴🏴🏴🏴
يلي وياك ابد ماحسوا بجوع
تغذيهم حنان وتسكي الدموع
أتدفيهم يحيدر جوه الضلوع


ماتشبه لِمن كان. /يالرباك عدنان
فكدك عن عليهم يابو تراب
حيدر ياعلي يا داحي الباب



خادمة الموعود الغزي

🏴🏴🏴🏴🏴🏴🏴

عگب عينك يتامه وين يرحون
خيمه انته يحيدر دونك اشلون
يبجون على بابك تجري العيون
عليك ادموعهم سيل
علي حماي الدخيل
مابطل يهل الاغلى الاحباب
حيدر ياعلي ياداحي الباب

✍ام مرتضى الخزرجي

🏴🏴🏴🏴🏴🏴🏴

من بعدك بقت كلها حياره
الدمع ادموم عل الخد يتجاره

حيدر مرتحل شاعت اخباره

شايل چاسي الأيتام
ياابوهم يضرغام

عليه گلب اليتامه اليوم عطاب

ام✍🏻 زين العابدين لمحمداويه

🏴🏴🏴🏴🏴🏴🏴

من فگدوك بس الون سهمهم
راح الچان بأحضانه يلمهم
وسط گلوبهم سهمك كتلهم

أجو وكفو على الباب
صاحو وين أبو تراب
كسرت گلبوبنه بهذا المصاب

إم حيدر العبادي ناصريه

🏴🏴🏴🏴🏴🏴🏴


تتناحب عليه وتطلم الهام
بعد عينك صدك صارو ترى ايتام
ياكهف الحيارى شلون وتنام

يبجون ويلوجون
بعدك وين يلفون

عليهم كل كلب يابو الحسن ذاب
حيدر ياعلي ياداحي الباب

ام عباس السكيني

🏴🏴🏴🏴🏴🏴🏴
تمت باقلام شاعرات رابطة الجفوف السخيه

https://t.center/alkfoofalskea

لسان حال الزهراء ع بوفاة امها خديجة الكبرى ع

✿┈┈◉┅🖤┅◉┈┈✿


الليله وحشه وضل خلي يمه مكانج
زغيره وبحاجه ييمه انه لحنانج


تهظم الام من تمـــوت
بلايه ام وحشه البيوت... يمه يمه

┈┉━━ • ✲ •  📜 • ✲ • ━━┉┈


هالزمن غدار ماخذ مني امي

يا بعد روحي ييمه عودي يمي

غيابج الكاسرني يمه ومنه هظمي

وما تعن روحي ييمه يتيمه اسمي

نكسر جنحي ابسكوت
بلايه ام وحشه البيوت... يمه يمه

نبضي حسين

┈┉━━ • ✲ •  📜 • ✲ • ━━┉┈

انكسر جنحي يالحبيبه ابيوم شلتي

يابخت الديره انتي اوياسلوتي

ابغيبتج يمي انه كبرت محنتي

اشلون عفتيها الزجيه ما حسبتي

كون وياج انه اموت
بلايه ام وحشه البيوت

يمه يمه

ام✍🏻 زين العابدين لمحمداويه
┈┉━━ • ✲ •  📜 • ✲ • ━━┉┈

بعازتج يمه ويحن گلبي بغيابج

يالشعب گلبي وهدم حيلي مصابج

يمه من اشتاك الج اشتم ترابج

ياكريمه ومايحير الگصد بابج

ابيتج احزن من افوت
بلايه ام وحشه البيوت

يمه يمه

خادمة ✍🏻الموعود الغزي
┈┉━━ • ✲ •  📜 • ✲ • ━━┉┈

كون تنباعين يمه اشريج بالعين

افراگ ما احمل ييمه يطول اسنين

ردي يحبيبه اليه ولا تغيبين

شلج ابنوم المگابر وين تردين

صار وني بلايه صوت
بلايه ام وحشه البيوت

يمه يمه

ام✍🏻 رحمه الگاظميه

┈┉━━ • ✲ •  📜 • ✲ • ━━┉┈

امي نعمه من السمه وكلهه محنه

ماتت امي ومات وياهه املنه

وراح من بعدچ يمرمرني زمنه

روحي مهمومه بغيابچ دمعي مزنه

شوفتج يحبيبه قوت
بلا ام وحشه البيوت
يمه.. يمه
✍ام مهدي الفرطوسيه
•───✧◐◐✧──
الجنه تحت اقدامهه امنه الحنينه
ولوكت ابدونهه مره سنينه
شايله طيب ومحنه تحن علينه
افراكهه كلش صعب واحنه شبيدينه
ادعي لمي ابكل قنوت
بلايه ام وحشه البيوت

يمه يمه

✍ام مرتضى الخزرجي
•───✧◐◐✧──
https://t.center/alkfoofalskea

☘️لاستشهاد الامام علي ع☘️

الوزن// عكيلي
فعلن فعلن فعلن فعلن
كأني بلسان حال مولاتي زينب ع

شتگول:-

مضروب الوالد هليله
مترادي يون رايح حيله

🏴🏴🏴🏴🏴

مترادي يون مابي گومه
غرگانه من الطبره هدومه
تنزف بالمحراب ادمومه
وحسين وليده  يتچيله....
مضروب الوالد هليله

✍☘ام فراس الساعدي ☘
🏴🏴🏴🏴🏴
مصفر وجهه امغير لونه

ومسوربهن بويه عيونه

يا وسفه عداه يغدرونه

ورجفوا گلبي وروحي نحيله

نبضي حسين
🏴🏴🏴🏴🏴🏴
يتجيله اودمعه ابدم يجري

اشلون احمل ياطولك صبري

يابويه افدي روحي وعمري

يرجف ماظل حيل ايشيله

✍ام اسعد الشمري
🏴🏴🏴🏴🏴🏴
تجسر هالظالم وتعده
وصوب راسه بنص السجده
ياحد الله شيوصل حده

قران الباري وتئويله


خادمة الموعود الغزي
🏴🏴🏴🏴🏴🏴
عالهامه الوالي مطبرينه
عله جتاف حسين مخلينه
عباس اعليه زاد اونينه

شيفكه العايل ياويله
✍🏻ام سجاد الشهيد
🏴🏴🏴🏴🏴🏴
ساجد من صابوه بالهامه
ودمومه التلفت لعمامه
ومحزونه الساده وازلامه
وجبريل بصوته ينعيله

✍ام مرتضى الخزرجي
🏴🏴🏴🏴🏴🏴
طايح دين الله واركانه
من صابو حيدر مولانه
والشيعه تنوح وحزنانه
من دم مو دمعه تبچيله
✍️ ام مهدي الفرطوسيه
🏴🏴🏴🏴🏴🏴
وارتج الكون من امصابه
وسمعت زينب صرخت يابه
نيران بگلبي لهابه
حيدر يسمعها تناديله
مضروب الوالد هليله

ام جعفر الايرواني
🏴🏴🏴🏴🏴🏴
الصوت الحره حيله تهدم
ماظنّه الوالي ها يسلم
لن شافوه مخضب بالدم

جابوه الداره متجيله
📚🖌️ام زهراء

تمت باقلام شاعرات رابطة الجفوف السخيه
https://t.center/alkfoofalskea

☘لاستشهاد الامام علي ع☘

وزن الشبكهه //من بحر الرمل
فاعلاتن فاعلاتن
مفتاح الطور//
هلله هلله حسين وينه
بالسيوف مگطعينه
👇👇المستهل

الف لعنه ابن الدعيه
من ضرب حامي الحميه
🏴🏴🏴🏴🏴

جبهته من صوباها
فيّض المسجد دماها
حتى العمامه رماها


ياهظم هاي الرزيه .....

✍☘ام فراس الساعدي ☘


🏴🏴🏴🏴🏴
يا ضربتك ما نسينه
بالفجر طايح ولينه
وسفه ابو روح الحنينه

عليك دمعتنه جريه

ام✍🏻 زين العابدين

🏴🏴🏴🏴🏴🏴🏴

ويا غدر هاي الصحابه
ابحيدره اليفجع مصابه
وشيبته البدماه خضابه

اخلافه هالوحشه الثنيه

ام✍🏻 رحمه الگاظميه

🏴🏴🏴🏴🏴🏴🏴

صبح ركن الديــن مايل
وسفه ابو الايتام شايل
دم دموع العيــن سايل
اعيونها ايتامه ربيه

✍️ام عدنان سياحي

🏴🏴🏴🏴🏴🏴🏴

تربي اعيون اليتامه
وانصدع ركن الامامه
بعد ما عدها سلامه
غمضت عيون الحميه


نبضي حسين

🏴🏴🏴🏴🏴🏴🏴
ناحت الأملاك كلها
أنصاب يلشايل حملها
دموم تجري العين خلها
راح والينه الشفيه

إم حيدر العبادي ناصريه


تمتةباقلامزشاعرات رابطة الجفوف السخيه


……——…..——…..——…
https://t.center/alkfoofalskea

ا☘️لاستشهاد الامام علي ع
المستهل والنص
موشح محذوف
فاعلاتن فاعلاتن فاعلن
««««««««««««

اتصوب المولى علي من يوم امس
ابن ملجم صوباه شگد رجس

بسيف مسموم وطبرها هامته
والحسن وحسين لِحكو ساعته
وبته مهمومه بيوم شافته
صعب يوم الفارگانه شگد نحس....
طبروا المولى علي من يوم امس

✍☘ام فراس الساعدي ☘
┈┉━❀❥❃❥❀━┅┄ ┈┉━❀❥❃❥❀━

صعب يوم المرتضى ماله مثيل
ويه طرت الفجر صار العويل

والحسن وحسين دمعاته تسيل

ابغدر صاباه يا هاذا النجس
طبرو المولئ علي من يوم امس

ام زين✍🏻 العابدين لمحمداويه
┈┉━❀❥❃❥❀━┅┄ ┈┉━❀❥❃❥❀━

يكلف علينه ييوم المرتضى
بسيفه المرادي ضرب خير الفضى
بعملتك يافاجر بنار اللظى
طاح ابو الكلافات مكطوع النفس

إم حيدر ✍🏻العبادي ناصريه
┈┉━❀❥❃❥❀━┅┄ ┈┉━❀❥❃❥❀━
ابغدر طبرو المولئ حيدره
ابد مامحسوب يا هاذا الجره
هل جريمه من وكت مدستره
صابه الملعون ابو وجه العبس
طبرو المولئ علي من يوم امس
ام ✍🏻رحمه الگاظميه
┈┉━❀❥❃❥❀━┅┄ ┈┉━❀❥❃❥❀━
اتصوب اوراسه نزف هاذه الشهر
وشيعته تبجي وكاتلهه القهر
وضجت الايتام محنيه الظهر
نعمه الله ايشيل نوره والشمس

✍ام مرتضى الخزرجي
┈┉━❀❥❃❥❀━┅┄ ┈┉━❀❥❃❥❀━
تمت بعون الله بقلام شاعرات رابطة الجفوف السخيه

https://t.center/alkfoofalskea

قصيده لمولانه امير المؤمنين عليه السلام لسان حال السيده زينب عليها السلام
~~
صعب فركاك يا حيدر يبونه
شلون انساك يا حيدر يبونه
➖➖➖💔➖➖➖💔➖➖
يبويه انه وخوتي لا تخلينه
تدري بفركتك يالوالي تاذينه
منهد يوم الضلع والباب مهضومين تدرينه

اخذنه وياك ياحيدر يبونه

شلون انساك يا حيدر يبونه
ام✍🏻 رحمه الگاظميه
➖➖➖💔➖➖➖➖💔➖➖
نضل وبفركتك نطحن غياب اسنين
الماعنده ابو ينطي الوجه لاوين
منين نجيب مثلك يلابو امنين

حلو طرواك ياحيدر يبونه

شلون انساك يحيدر يبونه
ام حسين المحمداويه
➖➖➖💔➖➖➖➖💔➖➖
جروحي هواي انه وزادن عليه
من اهد يوم المشت امي الزچيه
وتالي ابحيدره چتني الرزيه
العمر يفداك ياحيدر يبونه
شلون انساك ياحيدر يبونه

ام ✍🏻زين العابدين لمحمداويه
➖➖➖💔➖➖➖➖💔➖➖
يتامه من الزغر تجري مدامعنه
وعنه تشيل من عدنه محسّبنه
البيت اضلم من دونك و ضاهدنه
نريد وياك يا حيدر يبونه
شلون انساك يا حيدر يبونه

✍ام مرتضى الخزرجي
➖➖➖💔➖➖➖➖💔➖➖

صعب يابويه لو نفكد حبايبنه
وبعد عينك ياوالي البعد شيبنه
يروحي مألمه وكثرت مصايبنه
انه بعازاك ياحيدر يبونه
اشلون انساك ياحيدر يبونه
✍ ام مهدي الفرطوسيه
➖➖➖💔➖➖➖➖💔➖➖

على افراكك يبويه عاميه اعيوني
ومن ابجي اعله فكدك لايلوموني
بعد للموت ابد ميضحكن اسنوني

وين الكاك ياحيدر يبونه
اشلون انساك ياحيدر يبونه

عاشقة العباس ام عراق الشمري البصره
➖➖➖💔➖➖➖➖💔➖➖
تمت بعون الله بقلام شاعرات رابطة الجفوف السخيه

https://t.center/alkfoofalskea

قصيده لمولاتي السيده خديجه عليها السلام
~~~~~~~~~~
هاي امعربه وربات ديوان
اهلها اسباع لو طرو الميدان

┄┉❈❥ًً❀)🧿(❀❥❈┉

اهلها اهل الكرم وطيب والجود
يحك نلبس عليها اهدومنه السود

ونتعنه الرسول ونعبر احدود

ونعازي ابخديجه سيد الكوان

ام✍🏻 زين العابدين لمحمداويه


┄┉❈❥ًً❀)🧿(❀❥❈┉

نعازي المصطفى ونطلع عراضات

ونسوي الخديحه الليله هوسات

تستاهل يهاي ام الكرامات

الج يم الزچيه الطيب عنوان


ام ✍🏻رحمه الگاظميه

┄┉❈❥ًً❀)🧿(❀❥❈┉
الج يم الزچيه حساب مشهود
آزرتي النبي يا خير الجدود
وصرتي نافذه الكل باب مسدود
نعازي بيج يلبلشده ربّان

ام حسين المحمداويه
┄┉❈❥ًً❀)🧿(❀❥❈┉

انعازي الرسول وبضعته الزهره

مهظوم الكلب وجت الف جمره

هاي الوافت الهادي واله الجبره

محزونه عليها اليوم الاديان

✍ام اسعد الشمري

┄┉❈❥ًً❀)🧿(❀❥❈┉
فاكدها الرسول ويدمع العين
تيتمت فاطمه وكاسرها البين
سلام الله عليها جدة حسين
يالينكط گرمها جودواحسان
نبضي✍🏻 حسين
┄┉❈❥ًً❀)🧿(❀❥❈┉

جادت للنبي بذهب واموال

نوحو على فكدهه ابدمع همال

وعافت فاطمه تمرد الدلال

تبجي ويه ابوها عالي الشان
✍
ام مرتضى الخزرجي

┄┉❈❥ًً❀)🧿(❀❥❈┉
تمت بعون الله

https://t.center/alkfoofalskea

فزاعية لجرح أمير المؤمنين ع


زينب يا علي تنادي
عالوالي شيهديها

🏴🏴🏴🏴🏴🏴🏴


تسچب زينب العبره
والدها صعب امره
گام تصيح يا زهره
هامة علي مصوبيها... حا.. حا

نبضي حسين


🏴🏴🏴🏴🏴🏴🏴

جرحه مظهده وماذيه
واولاده تنوح اعليه
ماضي السم وگاضيه

اعليه اعيوني لعميهه ....حا...حا

ام منتظر الركابي


🏴🏴🏴🏴🏴🏴🏴


كلفه ضربة الهامه
ما تمم علي صيامه
ابوها كَربت ايامه
وبفراكَه شيسليها

ام مرتضى الخفاجيه

🏴🏴🏴🏴🏴🏴🏴

الضربه اغميجه جتاله
منها امبدله احواله
ادمومه تجري سياله
وماضن دوه ايشافيهه

✍ام مرتضى الخزرجي


🏴🏴🏴🏴🏴🏴🏴

عمت عيني الجرح مؤلم
ويلي هامته مهشم
سيفه منگعه بالسم

مافاد الدوه بيها


خادمة الموعود الغزي

🏴🏴🏴🏴🏴🏴🏴

اصوابك حيل ياذيني
أبوي ويانذر عيني
لاتمشي وتخليني
عليك ادموعي اجريها

إم حيدر العبادي ناصريه

تمت باقلام شاعرات
رابطة الچفوف السخيه

https://t.center/alkfoofalskea

قصيده المولانه علي عليه السلام وزن فائزي
لسان حال السيده زينب عليها السلام
~~~
يومك يبويه اشكد صعب ما حملته اجبال
شايل يراعي المرجله
ويتمت العيال
➿➿➿➿➿➿➿➿💔
ضلت اولادك تنتحب والكلب مكسور
مهضومه يابويه وتون وبدارك ادور

وصيح ياحيدرعلي ضاكت هالصدور
عمري الك ياابو الحسن ياكون منذور
وسفات محرابك خله وغطتك ارمال

ام ✍🏻زين العابدين لمحمداويه

➿➿➿➿➿➿➿➿💔
گلبي يون دومه الك والدمع هالي
ملعون كلمن صوبك يا نجم عالي
راح وي طبرت حيدره عزي ودلالي

يا بويه من هذا الوكت خابت امالي

ابغيبتك راح اصفه انه الحال يا حال

ام✍🏻 رحمه الگاظميه
➿➿➿➿➿➿➿➿➿💔
وسفه يحماي الحمه بالمكبره اتنام
حزنان الك عيد الفطر يالعفت الصيام
يالكاسر گلوب الخلك فگدك واليتام
صبح صباح بلا شمس ياضي الاسلام
فكدك صعب يابو الحسن مو جلمه تنكال
خادمة✍🏻 الموعود الغزي
➿➿➿➿➿➿➿➿💔
خالي يمحرابه الوصي مظلمّه الاكوان
البلارض وي البلسمه اعليه حزنان
شال اليحل المشكله امفسر القران اوتبجي الدنيه ابدمه العالي الشان
ومحزنه الشيعه الفركته والدمع همال

✍ام مرتضى الخزرجي
➿➿➿➿➿➿➿➿💔
يابويه والله وداعتك مااحمل افراگ
ومصاب موتك يالولي للگلب حراگ
تدري بعدني بعازتگ والشخصك اشتاگ

فركه الأبو كلش صعب للروح چتال

ام ✍🏻مهدي الفرطوسيه
➿➿➿➿➿➿➿➿💔
خالي مجانك ياعلي واظلم عليه
من دون شخصك يالولي اشبع اذيه
منتظره الايتام وتحن هاي المسيه
يصعب عليها افراك حماي الحميه
ياحيف غدار الدهر بالعتره ميال
ام جعفر الايرواني

➿➿➿➿➿➿➿➿💔
تمت بعون الله بقلام شاعرات رابطة ااجفوف السخيه

https://t.center/alkfoofalskea

فزاعيه لسان حان مولاتي العقيلة مع امير المؤمنين ع قبل خروجه للمسجد
••••••••••••••--•••••••••••••
الوزن حدي مستفعلن مستفعلن

ــــــــــــــــــــــــــــــــــــــــــــ

گلبي يحوم بطلعتك
يوجعني بويه يا علي

┈┉━━ • ✲ •  📜 • ✲ • ━━┉┈

ياويلي من غدر الزمن
راواني بالزهره المحن
يا نارهم يهل الفتن
چوتني ودموعي تهلي

نبضي حسين

┈┉━━ • ✲ •  📜 • ✲ • ━━┉┈

ياكسرتي ما تنجبر
جن راس ابوي المنطبر
چندوب ياربي الصبر
كل ناسي هو وكل هلي

ام ✍🏻زين العابدين لمحمداويه
┈┉━━ • ✲ •  📜 • ✲ • ━━┉┈
كلفه يبويه علتك
هدتني هايه طيحتك

ذاب الدليل ابشوفتك
نارك سريه يالولي


ام منتظر الركابي

┈┉━━ • ✲ •  📜 • ✲ • ━━┉┈

حس الخطر ياهيبتي
بالفجأه نزلت دمعتي
خافن تگع ياخيمتي
وياحال من ترجع الي


خادمة الموعود الغزي
┈┉━━ • ✲ •  📜 • ✲ • ━━┉┈

ضلي يروحي مرمره
ما ادري شنهو الي جره
روحي تنوح لحيدره
صبت دمعتي وتهلي

ام رحمه الگاظميه

┈┉━━ • ✲ •  📜 • ✲ • ━━┉┈

تجري دموعي هامله
من زغري وانه ناحله
راح اليحامي العايله
لبشوفه همي ينجلي

✍ام مرتضى الخزرجي

┈┉━━ • ✲ •  📜 • ✲ • ━━┉┈

تمت باقلام شاعرات رابطة
الجفوف السخيه

https://t.center/alkfoofalskea

الوزن هجري لسان حال الايتام عند باب الامير ع

يا علي بهاي المسيه وسفه نايم يالحنين
جينه ووگفنه اعله بابك ننتظر ومحيرين

┈┉━━ • ✲ •  📜 • ✲ • ━━┉┈
ننتظر تشفه يغالي وايسانه الطبيب
غزِر جرحك يا ابونه شنو انحطله ويطيب
اللبن جبنه يحيدر منه تشرب يالحبيب

هيجي و ترد يا ولينه تفرح الگلب الحزين

نبضي حسين

┈┉━━ • ✲ •  📜 • ✲ • ━━┉┈

ننطر ابابك اجينه بالرجه تعود وتگوم

يل چنت خيمه علينه ما تفارگنه وتحوم

ريتك اتعاود وفيك عسن اعلينه يدوم

مشافه كونك وبسلامه وعنك يسكن الونين

✍️ام منتظر الركابي
┈┉━━ • ✲ •  📜 • ✲ • ━━┉┈
غدر صابك ابن ملجم وسفه يا زين الرجال
الكافل تكوم ابسلامه لا ابد هاذا محال
چنه ما يكمل صيامه يضيعع وياه الدلال
بعده على الدنيه السلامه انصاب امير المؤمنين

ام✍🏻 زين العابدين لمحمداويه
┈┉━━ • ✲ •  📜 • ✲ • ━━┉┈
كلف يصعب دوه جرحك وسفه ياحامي الدخيل
مسمم السيف الي صابك اصبحت مسگوم وعليل
آ يمصباح اليتمامه
انگلبت ايام اعلى ليل

لا فرح لا عيد بعده بالاسى تمر السنين

خادمة الموعود الغزي

┈┉━━ • ✲ •  📜 • ✲ • ━━┉┈
بس حزن عدنه ويتامه ومابطل دمع العيون

كل صباح اليمربينه نحضن الگلب الحنون

معلمين احنه اعلى شوفه والبعد لامايهون

كل دقيقه التمر بينه أبد ماتغمض العين

إم حيدر العبادي ناصريه
┈┉━━ • ✲ •  📜 • ✲ • ━━┉┈
تمت باقلام شاعرات رابطة الجفوف السخيه
https://t.center/alkfoofalskea

قصيده للامام علي امير المؤمنين ع

الله ايعين اليتامه ابيوم شافو الولي

هامته امخضبه ابدمها تنزف اجروحه علي
النص
وكفت ايتام اعلبابه رفعت ايديها ابدعاء
اتوسلت بالله وحبيببه يشفه سيد الاوصياء
محزن الكون على حيدر تبجي من دم السماء
تصرخ ايتامه المصابه ادموعها اعليه اتهلي

ام مرتضى الخزرجي
♦️♦️♦️♦️♦️♦️♦️
ارتجت اركان الديانه من طبر راس الامام

صاحت الدنيه حسافه مايظل بعده السلام

فقره وايتام اعلى بابه ياحظن دافي تنام

يبجي والفاكد حنانه عمري والدنيه شلي

✍ام اسعد الشمري
♦️♦️♦️♦️♦️♦️
معلمه ايتامه وتربده ترتوي منه الحنان
وتنتظر بأيده الكريمه يمسح وتشعر بأمان

اشتاگو لشوفه و اجوله مفارگين الهم زمان
.
علي واسمك سر من الله بذكره همنه ينجلي
ام منتظر الركابي
♦️♦️♦️♦️♦️♦️
تصرخ اتنادي وليها ظلمه من بعده الحياة
ياسندها اوياذخرها أيتامه تتمنى المماة
والأرامل والثكالا خلافه ا تكون بشتاة
لكل جرح بلسم يحيدر وبسمك الحگ بعتلي

ام ✍🏻سجاد الشهيظ
♦️♦️♦️♦️♦️♦️♦️
الليله ايتامك يحيدر اباب دارك واگفين
اندعو الله بحبيبه يشافي امير المؤمنين
كلها تتباچه اليتامه بصوت واحد نادبين
الدنيه ضلمه اخلاف عينك فقره بعدك ننولي

✍ام مهدي الفرطوسيه
♦️♦️♦️♦️♦️♦️♦️
ما يضيع الحق يوالي
وابد ما ننسه الجره
تبقه الشيعه تتطالب ابثاركم يا حيدره
ويضهر الحاضر الغايب ونمشي وياه ننصره
وابن ملجم والسقيفه ابنار گبره تنصلي

ام✍🏻 زين العابدين لمحمداويه
♦️♦️♦️♦️♦️♦️♦️

تمت باقلام شاعرات رابطة الجفوف السخيه
https://t.center/alkfoofalskea

علامه الكون متغير گلب حاله
صدگ بس الحسن وحسين شياله



النص.....
عجب بس همه اشوفنهم يشيلونه
القلع للباب ابد ما طاحت امتونه
علي بچفه من شاله صفنن فنونه

حيف الطيحه چتاله علي ياهو التدناله

لخادمة امير المؤمنين ع ام منتظر الركابي✍️

♦️♦️♦️♦️♦️♦️

علي لوماغدر محد وصل حده
قلعها الباب حيدر محد يسنده
علي لكل صعبه ومعضله وشده

بسيفه هزم خياله علي ياهو التدناله

✍ام مرتضى الخزرجي


♦️♦️♦️♦️

چنها الطيحه چتاله وگرب يومه
لهذاك الجندل الابطال بالحومه

يمينه الحز رگاب الكفر بلكومه

الكون اليوم زلزاله... عل ياهو التدناله

نبضي حسين

♦️♦️♦️♦️♦️♦️♦️

علي كاسر خشوم وفالق الهامه
بطل ظرغام تشهد كـلهـا ايامه
ماهزته ريح وطاح صمصامه

اسد تشهدهله افعاله علي ياهو التدناله


✍🏻ام سجاد الشهيد

♦️♦️♦️♦️♦️♦️♦️
حزنانه عليه وادموعي تتجاره
يسر الله وعلومه هو ه واسراره
الكون اظلم لاجله ايتامه يم داره
وسفه تطيح يافاله
✍️ام زين العابدين المحمداويه
♦️♦️♦️♦️♦️♦️♦️
ساجد وبصلاته الهامه طبروها
حزنانه الفريضه وبيه فجعوها
وكلوب اليتامه اليوم كسروها

تون واليوم تنعاله. علي ياهو التدناله

خادمة الموعود الغزي

♦️♦️♦️♦️♦️♦️

تمت بعون الله بأقلام شاعرات رابطة الچفوف السخيه

https://t.center/alkfoofalskea