وزن چلمه ونص عجز المتدارك يكسر الخاطر طاريه.. المهدي ماندري شبيه فگد النبي وكسر ضلوع.. وباب الودعيه يبچيه فگد وصبر نار   وكسر يادنيه... يادنيه.. ┄┅═✧❁★-❁✧═┅┄ الله يعينه اعله الصار الموعود يطلب چم ثار مات النبي ومايدرون مسموم چبده المختار من ياهظم يالوعات.. مهدينه گلبه يشب نار اويوم السقيفه المعروف يوم انقلاب الاشرار أهل الغدر.. نار وكسر يادنيه.. يادنيه ✍️ وعد الڪفيل ┄┅═✧❁★-❁✧═┅┄ جم ثار يطلب مولاي ثار الذبيح العطشان وثار الزجيه الزهراء وعبدالله وي الرضعان الله يعينه كل ساع يبجي والمدمع غدران يذكر الراحت للشام وعافته فوگ التربان ام الخدر … نار وكسر يادنيه…يادنيه الخـ✍️ــادمه ام زيد الشمري ┄┅═✧❁★-❁✧═┅┄ يايوسف الزهره الجور شسوه ابهلك من اعداك سم وچتل ياوسفات اليالوعه صدت عيناك افجع مصيبه التاذيك صدرين هدنّه الواك صدر انكسر خلف الباب والثاني بالخيل انراك دامي الصدر نار وكسر يادنيه،،، يادنيه ام حسين المحمداويه ┄┅═✧❁★-❁✧═┅┄ ثار الضلع والبسمار ونار الكضت علخيام شيداوي مليان جروح وياجرح بعد اليلتام مهدينه ساكن الاوطان وگلبه حزين ومنظام مو سهم يطلبها اسهام من آل اميه الظلام گلبه جمر،،،نار وكسر يادنيه،،يادنيه أم صــ✍️ـــــادق المنصوري ┄┅═✧❁★-❁✧═┅┄ ايعينه الله شكد مالوم مو ثار يطلب ثارات ياخذ بحگ يامسموم ومن ياضلع ياطبرات طبرت علي داحي الباب اليذكرها ويجر ونات شعظمه مصاب الغايب و اباله ذيــج الصرخات ليك الاجر،،، نار وكسر يادنيه،،، يادنيه بـ✍🏻 المله ام مجتبى ┄┅═✧❁★-❁✧═┅┄ تمت باقلام شاعرات رابطة ادب الطف https://t.center/aaaadrfqe