قصيدة الاربعين هاي ام الخدر ردت يوهّامــــــــــه نفضو ترابكم ام عون محتامـــــــــه **الوهامه الرجال الشجعان ......... تلكو عمت ابنكم جايه اليـــــله تبجي وتون والمدمع تسيلــه راس حسين ردت ويه العيلـه ويم كبورهم تلطم عله الهامـــــــه ✍️الشاعره ام روكان الشمري ــ••┄┅══✼°••°✼══┅┄ اتلكوها اجت من ظيم السبايه تبجي وتشتكي من جر العبايه واسياط المتن تكشف لبو الرايه كومو سكنو ابهمها يعلامه ✍ام اسعد الشمري ••┄┅══✼°••°✼══┅┄ تلطم على الهامه والظهر محني اجيت اتصيح گعدو ياخوال ابني شوفوا امتوني زركه والشمر سبني رجعت من اليسر يخواني ملتامه ✍ام مرتضى الخزرجي ••┄┅══✼°••°✼══┅┄ تريد تخبرك اختك المهظومه من طبت لراضي الشام مهمومه تصيح بصوت اه يحسين يايومه منو ياخذ بثاره وينشر اعلامه ام جعفر الايروانيً ••┄┅══✼°••°✼══┅┄ سمعوا يالحياده اليوم شكواهه عفاها ام عون ما ماتت يولياهه الف طعنه والف لچمه والف آهه صوبها السبي اوسدد اسهامه ✍🏻نبضي حسين ••┄┅══✼°••°✼══┅┄ ظيم المر عليها جبال يحنيها مصايب كربلا عجزانه تطريها أگعدوا ياضياغم وسفه تاليها شيختكم سبيه گوموا ينشامه ✍️ وعد الڪفيل ــــــــــــــــــــــــــــــــــــــــــــ♥ تمت باقلام شاعرات رابطة الجفوف السخيه منتدى القلم الفاطمي https://t.center/aaaadrfqe