باب الله باب الزهراء ليش العده ايحرگونه
.............
باب اليرحب بالوحي ما ينجاس
يتقدر اويْنشال كون اعله الراس
ما يندفع ينطرق كون ابحساس
باب الكرم باب الطيب مارد اليطرقونه
..................
اتجمع حطب يم بيت يجمعكم چان
العشره اذا هانت اذن اصلك هان
هوه الرخيص يبيع عنبر بدنان
بيت اليقدملك زاد لاترفس ابماعونه
..................
ما اريد احدد انتو كلكم زمره
ابكرّ المعارك ماكو الكم ذكره
صرتوّ زلم هسه اعله باب الزهره
التاريخه اسود معروف ماينفع اتلمعونه
..................
ابوكت الحرب ما شفنه هاي الهمه
ولا شفنه منكم سيّف جرد زلمه
حرمه اليطلع سيفه يم الحرمه
اليتگوه يم النسوان من عدهن يحسبونه
..................
خد اليقبلها النبي تتسطرر
شمسويه بنت الهادي والخد احمر
اللهُ أكبر فاطمه الله واكبر
خد العرش يالزهراء مو خدچ ايصفعونه
..................
كلمن يعادي ام الحسن ثق يهلك
هاي الـ وأن باچر تسود وجهك
وما تلگه واحد عالسراط يشبهك
المثلك تره اهل النار والجنه ما يردونه
..................
كل التجيبه امن ايدك الله يزيدك
خل الخلافه والسقيفه اتفيدك
المهدي باچر يرجع ايگص ايدك
باچر يرد الموعود أو ثاره بين عيونه
..............
عباس هبيل الزينبي
#الليالي_الفاطميه1446
