سألوني مره كيف بكون الصاحب المقرب؟ الصاحب المقرب أو البست فريند او الصديق العزيز هو الممكن تكون معاه وتحكي ليه عن أي حاجه وعن كل ظروفك من غير ما تتحرج ولا تتحسس ولا تخاف انو سرك يضيع.. ممكن ما يكون 24 س معاك بس كانو معاك بخاف عليك من اقرب الناس ليه وبفهمك اكتر من ناس بيتكم من غير ما تحكي حتي.. لم يسألك مالك بتحس انو بالجد عايز يعرف عشان يقف معاك ويحل ليك مشكلتك مش ك نوع من الشمار.. مستعد يعمل اي شي عشان يدافع عنك وبخت كلمتك بعين الاعتبار... بذكرك بربك وببعدك عن أصحاب السؤ.. حقك وحقو واحد ... بحس بمرضك وبتعبك حتي الارهاق البجيك ايام الامتحانات... بفكر فيك قبل ما يخش الكافتريا عشان ياكل... ينتظرك عشان تخشو الأب سوى... بضرب ليك اه المحاضره وين انت ولا اسجل ليك حضور... يا جماعه ما اي زول اتعرفت عليه في الجامعه أو في مكان ممكن يكون صاحب وما اي زول دخلت بيتو أو دخلتو بيتك ممكن يكون كدا.. كلمه صاحب دي كبيره ما اي زول بنقدر نقول عليه كدا... الصاحب دا ما عشان جا قال ليك فلان قال فيك وانا الكلام زعلني وحكيت ليك.. لا ما هو لو كان صاحب كان سكتو وكان وقفو عند حدو... ياما اتعلمنا من ناس قلنا عليهم أصحاب وطلعو في النهايه كل واحد عايز مصلحتو... ما ضروري يكون عندك رفيق مقرب طول ما انك ما لقيت الزول الممكن يكون سرك وسندك واحسن انك تكون براك من انك تحيط نفسك بمجموعه منافقين تحت اسم أصحاب ولا شله