View in Telegram
Ҳаммага ҳам тегиб кетмаслигини илтимос қилиб қолар эдим. Гап эгасини топади.....
«Пискентга ҳам кимдир келсин»
Кимдир келса, йўлларимиз асфальт бўлар,
Қор ёғса ҳам атрофимиз гулга тўлар.
Иш ёқмаслар виждон билан меҳнат қилар,
Айтинг, дўстим, Пискентга ҳам кимдир келсин.
Эски бино эскиликча қолиб кетди,
Йўлларимиз чуқурларга тўлиб кетди.
Қанча одам, ҳайдовчилар ўлиб кетди,
Айтинг, дўстим, Пискентга ҳам кимдир келсин.
Шифо излаб шифокорга борар бемор,
Уйқисраб кутиб олар бир шифокор.
Юзларида на нури бор, шундай беор,
Айтинг, дўстим, Пискентга ҳам кимдир келсин.
Ишим тушар, дил оғритма, қўй, деймиз,
Майли, егин, битта ўзинг тўй, деймиз.
«Роддом»идан қўрқиб қолган аёлимиз,
Айтинг, дўстим, Пискентга ҳам кимдир келсин.
Кўпайгандан кўпаймоқда камчиликлар,
Тилин тишлаб жим туради кўпчиликлар.
Тушиб кетса, тузалмайди кўприклар,
Айтинг, дўстим, Пискентга ҳам кимдир келсин.
Қишлоғимга сув турбасин тортиб кетди,
Эскисини аллакимлар сотиб кетди.
Сув келмади, маҳаллани бузиб кетди,
Айтинг, дўстим, Пискентга ҳам кимдир келсин.
Содда халқмиз, содда дея эзаверманг,
Режаларни бажаришни чўзаверманг.
Танқидларни ношукрликка йўяверманг,
Айтинг, дўстим, Пискентга ҳам кимдир келсин.
Ёрқинжон ✍️
https://t.center/Yorqinjon_shoir
Love Center - Dating, Friends & Matches, NY, LA, Dubai, Global
Find friends or serious relationships easily