ناس بتسخر وتشتم وكاتبين: يعني هاتدخل النار عشان شجرة وعشان كلمة تهنئة؟! دول عالم عمرهم ما قرؤوا القرآن في حياتهم عشان آدم عليه السلام خرج من الجنة عشان ثمرة من شجرة واحتاج إنه يتوب لربنا عشان يغفر له. وأصحاب السـ *ت اتمسخوا قردة عشان شوية سمك وربنا غضب عليهم. الفكرة مش في حجم المعصية في نظرك. الفكرة إن ربنا ينهاك عن حاجة وتقول هاعملها. الفكرة إنك تبقى فرحان برمز لحاجة فيها كفـ* بالله ونسبة الولد له حاشا لله. لو واحد بصق على علم بلده بيتحاكم مع إنها حتة قماش. لو واحد أهان ورقة فيها كلمة التوحيد عمدا بيخرج من الإسلام عشان ورقة. لو واحد قال لمراته كلمة واحدة بتبقى طالق منه حتى لو قال قبلها وبعدها ألف كلمة حلوة. -حسام عبد العزيز