Замдиректор бир йил давомида ўқувчи қизнинг номусига тегиб келган бўлса, нега шунча вақтдан буён мурожаат қилинмаган? Мактаб директори ўринбосари 9-синф қизни номусига теккани ҳақидаги хабарни қарийб барча ўқиб улгурди. Барча канал ва сайтлардаги хабар маъноси био хил, яъни: Сурхондарёдаги мактаблардан бирида директор ўринбосари ўқувчи қизнинг номусига тегиб келгани маълум бўлди. Манбаага кўра, Денов туманидаги мактаблардан бирида директор ўринбосари 9-синф ўқувчиси бўлган вояга етмаган қизни бир йил давомида номусига тегиб келган. Болалар омбудсмани ҳолат бўйича жиноят иши қўзғатилгани, тергов ва суд жараёнини ваколатлари доирасида кузатиб бораётганини маълум қилди. Лекин бирорта сайт ёки ОАВ асосий ҳолатга эътибор қаратмаган ва бу бўйича маълумот олишга ҳаракат қилмаган. Биринчидан, бир йил давомида зўрлаб номусига тегиб келган бўлса, нега шунча вақтдан буён ҲМҚОга мурожаат қилмаган? Нега энди мурожаат қилиняпти? Иккинчидан ва асосийси, қиз текшириб кўрилдими? Ҳақиқатдан ҳам номусига тегилган эканми? Кечирасизлар-у, лекин экспертиза қилиниб, қизнинг номуси бузилмагани аниқланса, бу ҳолатда албатта туҳмат қилиш кимга ва нега керак бўлди, деган савол ўртага чиқади