Коррупция ёйди қулоч, Бир ўғри минг дона бўлди. Бугун бизнинг юртда қувонч, Мунисахон она бўлди... Рулга минар террорчилар, Йўлларда минг бола ўлди. Тармоқларда сўз очилар, Мунисахон она бўлди... Зўрланади ёш қизчалар, Мактаб фахшхона бўлди. Бепарво йўқдир бизчалар, Мунисахон она бўлди... Каламушлар таламоқда, Ғазна ҳам ошхона бўлди. Лек одамлар ўйламоқда, Мунисахон она бўлди... Бошимизда худди ўқдек Иллатлар парвона бўлди. Бизга бошқа мавзу йўқдек, Мунисахон она бўлди... Дарров янги мавзу топинг, Артистлар нишона бўлди. Энди буниси ёпинг, Мунисахон она бўлди... Вафо Мўмин ✅ Telegram | 🌐 Instagram | 📹 Youtube