🌹🌹ҲАММАСИ ЯХШИ БЎЛАДИ🌹🌹
Бир куни баҳорлар келар боғимга,
Булбул далда бўлар юрак доғимга,
Ўзимни отарман бахт қучоғига,
Ўшанда бу кўнгил нурга тўлади,
Бир куни ҳаммаси яхши бўлади.
Армон оғушудан қутулар юрак,
Кўзлар маюсликдан қутулса керак,
Кўкдаги оққушга айланиб тилак,
Ўшанда бу кўнгил нурга тўлади,
Бир куни ҳаммаси яхши бўлади.
Соғинчлар бош эгар менга букилиб,
Ғуборлар, ҳасратлар кетар тўкилиб,
Дунёга юракдан боқарман кулиб,
Ўшанда бу кўнгил нурга тўлади,
Бир куни ҳаммаси яхши бўлади.
Қувончлар тўлади бу ғамгин кўзга,
Ҳаммаси бирма- бир тушади изга,
Уялиб қолади кулганлар бизга,
Ўшанда бу кўнгил нурга тўлади,
Бир куни ҳаммаси яхши бўлади.
Бахтимга баҳорлар бўлишар гувоҳ,
Бевафо ёр дея, чекмам сира оҳ,
Биламан бир куни сийлайди Аллоҳ,
Дилдаги армонлар буткул ўлади,
Ишонинг, ҳаммаси яхши бўлади.
Мактуба ШАЙДО
Яқинларингизга улашинг 🌹
Каналимизга қўшилинг 💞https://t.center/+51fyQTMOYFczZmZihttps://t.center/+51fyQTMOYFczZmZi