كلمات / الشاعر أبوشامخ أحمد السلامي
قبيلة بني سحام / جبل اللوز

مليون يامرحب من الأعماق حاره
مااتعاقب الليل والنهار

يملي قبل خولان طايل بالاماره
وادي وقاعه والقفار

بالشيخ أمين أبن الوشاظه ذي شعاره
العز دايم والفخار

بعزوته خولان يتفاخر دياره
المجدّ رمزه والشعار

خولان حمير بن سبأ ارض الحضاره
واغلى المواطن والديار

قوم الحميه والوفاء واهل العساره
في يوم مايحمى الغبار

ووسط الاعروش شيخ خولان حط داره
وساس ركنه والحجار

دار أبن ناجي بن علي الغادر مناره
كبير خولان با اقتدار

والجيد ما باعطيه حقه في عباره
وفي سياق هذاالاطار

الحرف شوقني وفي قولك اثاره
محبوك مثل الاختبار

ذا رد ابوشامخ ولك فيه النضاره
بنفس حرفه والمسار

وابن السلامي هاجسه هو مستشاره
ناجح وصايب فالقرار

ذكرالنبي ذي خصه الله بالطهاره
وايده بـ الانتصــــــار

وسلامتكم