اللي بيلبسوا بناطيل اقرأوا البوست ده كويس 🥺 من دروس الشيخ حازم شومان. بتصلىي وبتصومي وحافظة القرآن كله وبتقيمى الليل بس متبرجة احذري ! انتي فاهمة وفاكرة نفسك ماشية في طريق الجنة وأنتي لن تقربيها ولا حتى تشمي ريحها إلا أن تتوبي. إلى كل أخت بتصلي وبتصوم وبتقرأ قرآن وفاكرة إن لبسها محترم بقولها يا أختي مفيش حاجة اسمها لبس محترم ولبس مش محترم ! عمرنا ما سمعنا إن امرأة أبو جهل لبست "بادى" ولا امرأة أبو جهل لبست "استرتش" ولا كانوا يرضوا اصلًا ! مفيش حاجة اسمها بنطلون واسع وبنطلون ضيق ! مفيش حاجة اسمها بنطلون وفوقه تونيك ! فيه حاجه اسمها الزي الشرعي الإسلامي كما وصفه الله ورسوله صلى الله عليه وسلم. أنا هكلمك النهاردة ولو شديت عليكي متزعليش لإني خايف عليك ❤ ده الرسول نفسه عليه الصلاة والسلام خايف عليكي وقالك : "يا معشر النساء تصدقن وأكثرن الاستغفار فإني رأيتكن أكثر أهل النار" _عايز أعرف منك ايه اللي السبب في لبسك ده ! _مستنية ايه علشان تلبسي اللبس الشرعي ! _مستنية موت الفجأة ييجي ياخدك ! انتي عارفة لو نزلتى الشارع و١٠٠ واحد بصلك ب١٠٠ سيئة بس مفيش مشكلة ! لو نزلتي الجامعة وألف واحد بس من الألوف دي بصلك كل واحد بص ١٠٠ بصة بس ١٠٠٠٠٠ سيئة ! ده غير لو شاب من الشباب اللي عينهم هيئه أرصاد جابك من فوقك لتحتك ربع ساعة يعني كمان ألف بصة ! وقبل ما تنزلي ساعه قدام المرايا كمان بتتمكيجي فى ميزانك ، نزلتي واحدة شافتك قالت أنا هطلع زيك فى ميزانك ، شاب ملتزم شافك انتكس فى ميزانك ! شاب شافك شهوته ثارت راح عمل معصية سر فى ميزانك ، واحدة ملتزمة لما شافتك فتنت بنظر الناس ليكي خلعت الحجاب في ميزانك ! كل ده يجيله كام سيئة؟ مليون سيئه على الأقل في اليوم ! يعني بقيتي بتلعبي فى مليارات دلوقتي ! والعداد شغال إلا أن تتوبي ! طيب تعالي نشوف حكم رسول الله صلى الله عليه وسلم فيكي ايه. _من أهل النار ولا تقرب الجنة ولا تجد ريحها "١" _ملعونة مطرودة من رحمة الله"٢" _زانية ولا يقبل منها صلاه"٣" _من صاحبات الكبائر التي تعادل القتل"٤" _جند من جنود الشيطان"٥" عمرك شفتي ذنب الرسول صلى الله عليه وسلم بيعظم خطورته قد كدة؟ _الكلام ده جبته منين؟ _من كلام الرسول صلى الله عليه وسلم قال الرسول صلى الله عليه وسلم : " صنفان من أهل النار لم أرهما ، قوم معهم سياط كأذناب البقر يضربون بها الناس ، ونساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة ولا يجدن ريحها ، وإن ريحها يوجد في مسيرة كذا وكذا " والرسول صلى الله عليه وسلم حطك مع الظلمه اللى بيضربوا الناس بالكرابيج ليه علشان انتوا اللي بتحطموا في الأمة ! أعدائنا عرفوا إن الأُمة مش هتتدمر بالقنابل ، بل بكأس وغانية ! ترضي إنك تبقي قنبلث تنفجر فى الدين ، ترضي إنك تبقي سكية ينطعن بيها كبد الدين ! _ رضيتي ! "لعن الله النامصة والمتنمصة"! "لعن الله الرَّجُلَة من النساء"! اللعنة يعني الطرد من رحمة الله _ترضي كدة؟ "أيما امرأة استعطرت فمرّت بقوم ليجدوا ريحها فهى زانية"! يعنى حط التبرج مع بقية الكبائر ! _مستنية ايه بقى؟ _مستنيه عقوبه ربنا فى الدنيا؟ _ولا مستنية سوء الخاتمة؟ _ولا مستنية عقوبة ربنا في القبر ؟ _ولا مستنية عقوبه ربنا في النار ؟ _كدة كدة هتتحجبى غصب عنك حجاب شرعى كامل وانتي داخله قبرك ! خمس أو ست لفات كفن ملفوفه فيهم ! _البسيه حُبًا قبل ما تلبسيه غصبًا ! _اللي كان بيبص عليكي فى الدنيا لو بص عليكي في القبر هيترعب من منظرك ! _تعالي بقي نشوف يوم القيامة هيبقى موقفك ايه. الرسول صلى الله عليه وسلم بيقول "العنوهن فإنهن ملعونات" يعني هتطردي من رحمة الله _ازاي؟ يعنى في عز الحر هتطردي من ظل عرش الرحمن ، هتطردي من إنك تشربي من إيد النبي صلى الله عليه وسلم ! _وهتقابلي ربنا ازاي؟ قال رسول الله صلى الله عليه وسلم : "يحشر المرء على ما كان عليه من ثياب" _يعني ثياب التبرج دي هتبعثي بيها _اه _طب ليه؟ عشان تميزي وتتعرفي بالمعصية اللي كنتي بتعمليها فى الدنيا " يُعرف المجرمون بسيماهم فيؤخذ بالنواصى والأقدام " البنات اللي لحد دلوقتي لسة بتجادل وتكابر ، انا كدة كويسة ، أنا أحسن من غيري ، أنا بلبس تونكات أطول من غيري ، كابرى في أي حاجة إلا مصيرك ! بإيدك تحددي مصيرك متتردديش في القرار. _الحجاب يا جماعة عداد حسنات مفتوح ❤ _والتبرج عداد سيئات مفتوح فاحذري ! _أيُعقل تبيعي الجنة عشان حتة قماش؟ _افتكري دايمًا : " ومن يتق الله يجعل له الله مخرجًا ويرزقه من حيث لا يحتسب " و " من ترك شيئًا لله عوضه الله خيرًا منه ❤ يلا يا بنتي خُدي الخطوة وغيري لبسك للأوسع دى الجنة غالية ولا يدخلها إلا الغاليات ، ولا تقبلى لنفسك إلا أن تكونى غالية ❤