هيا والله مكذب عليكم بكرت الصبح لقيت صاحب شلينا امس قات جمعه هو شل بـ5000 وانا شليت غر بالفين قلت له ليش تهورت اليوم ربوع مش خميس؟
قال بكل فخر معانا مباراه الملكي عيلعب اليوم.!
قلت سابر خير انشاء الله عيريحكم الباري.
واليوم الصبح قلت له هيا مه كيف المباراه؟
قال ياخي اقتهرت كملين القات بحين.!
طيب من فاز امس كم النتيجه؟
قال ياخي اليوم نشوف مقوت ثاني الصدق.!
فحط الريالي فحط #ھھھھھھھھھھھھھھھھھھ.!!
حاول المراوغه واخفاء عار الهزيمه ولكن شفت عيونه مورمات بسبب البكاء طول الليل وعرفت انهم خسرو.
المهم انا بخير وانتو كيفنتو يامتابعيني خميسكم فله..!!
