صباح الخير 💙 متلازمة "Daydream" هي حالة بتخلي الواحد يهرب من الواقع، ويدخل في عالم تاني بعيد عن المشاكل والضغوطات ال بيواجهها في حياتو اليومية. الواحد لما يحلم في يقظتو، بيحس براحة كبيرة وكأنو بيعيش في مكان تاني، بعيد عن التعب والهموم. في الخيال ده، ممكن تشوف نفسك ناجح في شغلك، علاقاتك مثالية، وكل شيء عايزو بيتحقق بسهولة، وكأنو الدنيا ماشية زي ما أنت دايرها. لكن، المشكلة إنو زي ما الخيال ده بيخليك تحس بالسعادة في لحظات معينة، في نفس الوقت ممكن يكون في خطر لو استمرّيت فيو كتير. في البداية، بتحس بالإلهام والتحفيز، لكن في النهاية بتبدأ تحس إنك مبتعد عن الواقع، وأنت ما قادر تواجه تحديات الحياة الحقيقية. كل ما تزيد تعلقك بالخيال، كل ما تقل قدرتك على العمل في الواقع وتحقق أهدافك. المتلازمة دي ممكن تكون نتيجة للإحباط أو إنو الشخص ما راضي عن حياتو، فبيهرب للخيال عشان يلاقي ليو مخرج من المشاكل. في أغلب الأحيان، بيكون الخيال ده وسيلة للهروب من الفشل أو الصعوبات الحقيقية. لكن في النهاية، الخيال لو ما صاحبو عمل بجد في الحقيقه، ما بيحل ليك المشاكل أو يحقق ليك الأهداف . الخيال ممكن يكون مصدر إلهام وتحفيز، لكن لازم يكون في توازن. الواحد لازم يقدر يرجع للواقع ويخت خطوات عملية عشان يحقق ال عايزو في الحياة💙 #منصه_نجاح