مساء الخير حبا 💙 اليوم دايرين نتونس عن موضوع حساس ومهم جدًا: عدم الثقة في الناس. حاجة كلنا بنمر بيها بدرجات مختلفة، ومرات بتحمينا وبتكون لصالحنا، لكن غالبًا بتكون عبء نفسي كبير علينا. عشان كده خلونا نتكلم بي وضوح، نفهم المشكلة، ونشوف الحلول بشكل بسيط وعلمي،💙 يعني شنو عدم ثقة؟ أتخيل يا عزيزي إنك قاعد تبني سور كبير حوالين نفسك عشان تحميها من الأذى. في البداية الحماية دي بتريحك شوية، لكن بعد شوية بتكتشف إنك بقيت في عزلة، لا قادر تتواصل مع الناس ولا قادر تستمتع بحياتك.💙 كيف بنوصل لعدم الثقة؟ 1. تجارب مؤلمة: لو حصلت ليك تجربة خيانة أو استغلال قبل كده، عقلك بيقرر تلقائيًا يحميك من أي أذى مشابه في المستقبل، فبتبني حاجز.💙 2. بيئة سلبية: لما تكون عايش في مجتمع أو وسط ناس دايمًا بشككوا في الآخرين، ممكن تتأثر بيهم وتبني خوف داخلي من أي علاقة جديدة.💙 3. توقعات عالية: لو كنت متوقع الكمال من الناس، أكيد حتلقى إحباط كبير، لأنو ببساطة ما في زول كامل.💙 4. قلة فهم الذات: أحيانًا المشكلة بتكون داخلية أكتر من إنها خارجية. لو ما واثق في نفسك، بتلقى صعوبة في الوثوق في الآخرين💙. عدم الثقة في الناس عندو آثار سلبية ما بسيطة: 1. علاقات سطحية: ما بتقدر تبني علاقة قوية لأنك دايمًا شاكك في نوايا الآخرين.💙 2. إرهاق نفسي: دايمًا بتحس إنك في حالة تأهب، خايف تتأذي، ودا بيستهلك طاقتك💙. 3. عزلة اجتماعية: الحذر المبالغ فيهو بيخليك تبعد عن الناس الطيبين، وده بيزيد شعورك بالوحدة.💙 4. قرارات خاطئة: الخوف من الخيانة بيخليك تضيع فرص حقيقية لناس كان ممكن يكونوا إضافة جميلة في حياتك.💙 طيب الحل شنو؟ الحل ما في إنك تلغي الحذر تمامًا، لكن تتعلم التوازن. دي خطوات ممكن تساعدك: 1. ابدأ بخطوات صغيرة: الثقة ما بتجي مرة واحدة. جرب تثق في زول بموقف بسيط وشوف كيف بتكون ردة فعلو. 2. فرق بين الزول ( كشخص) وظروف الشخص دا: أحيانًا الزول ما بكون قاصد ياذيك أو يغلط عليك ، لكن ظروفو هي البتخليو يتصرف غلط. حاول تفصل بين الشخص وأفعالو. 3. واقعية التوقعات: تذكر دايمًا إنو الناس بشر، والبشر بيغلطوا. ما تخلي توقعاتك عالية لدرجة تخليك تخيب في أي زول.💙 4. ورقة الثقة: اكتب قائمة بالناس الكويسين في حياتك، وفكر كيف ساعدوك أو كانوا عون ليك لمن احتجت ليهم . الحاجات دي بتساعدك تركز على الجوانب الإيجابية بدل السلبية.💙 5. مارس التفاهم والغفران: الغفران ما معناتو إنك تنسى الأذى، لكن معناتو إنك تحرر قلبك من الزعل الجواك والحزن.💙 6. اقرأ وتعلم: الكتب بتفتح أفقك وتخليك تفهم أكتر عن نفسك والآخرين. جرب الكتب دي: The Gifts of Imperfection - Brené Brown (عن كيف تكون صادق مع نفسك وتثق في الآخرين بطريقة متزنة). Daring Greatly - Brené Brown (عن الشجاعة في فتح قلبك وبناء علاقات حقيقية). The Four Agreements - Don Miguel Ruiz (عن القواعد الأساسية لحياة بسيطة ومليانة ثقة).💙💙 عزيزي عدم الثقة في الناس ما مشكلة مستحيلة الحل، لكن محتاجة شوية وعي وتدريب. أهم حاجة تتذكر الآتي: 1. ما تعمم: لو زول واحد خذلك، ده ما معناتو كل الناس سيئين. خلي مساحة للناس الجدد.💙 2. خليك حذر، و ما تخاف: الثقة مخاطرة، لكن بدونها الحياة بتكون ناقصة.💙 3. التوازن هو المفتاح: ما تكون متساهل زيادة وما تكون كمان شديد الحذر💙. 4. اقبل الخطأ: لو حصل ووضعت ثقتك في الشخص الغلط، تعلم من التجربة وما تقيف في مكانك.💙 في الختام ، خلي عندك قناعة إنو الحياة حلوه لو خليتها بسيطة، والناس ما كلهم أعداء، في ناس ممكن يكونوا أجمل إضافة ليك. بس خليك واقعي شويتين تلاته كدا 💙 "الثقة ما معناتا إنك متأكد 100%، لكنها معناتا إنك مستعد تدي نفسك فرصة وتجرب." 💙💙💙💙 وبس يعني 💙💙💙💙💙💙 #منصة_نجاح