شاعران لُر sherlori@

🔷🌹شعری از استاد #رضا_جهانی_نهاوندی در وصف مردمان لر

🔷 #استاد_جهانی از شاعران طلیعه #عصر_بیداری_فرهنگی_لر از منطقه #ثلاث است که در اشعار وی توجه به هویت، فرهنگ،تاریخ و اتحاد لر و ذکر نام و نشان مردمان لر از همه مناطق لرنشین فراوان دیده می شود:


لر یَنی سرنایِ شامیرزا ,سَحر
که بَناله تا بَپیچَه دِ کمر

لر یَنی بنُگ کمونچه شافَرج
چلسرو شا بیتِ ایرج رَج ورج

لر ینی دَنگِ سقایی و تُومَک
لر کَلاخی شازنو چی شاپرک

لر ینی اسب و تفنگ و کوگِ کو
تافِ تافِ آو گرین تا وقت صو

لر ینی مالار و پرچین و هومار
گُلوَنی رَشمَه زنونِ سر دیار

لر ینی تاریخ ,ایمرو وّ صوآ
لر ینی دَنگِ گَوُرّگه وا هنا

لر ینی رسم کریمخانی د نو
لر ینی غیرت شرف وُ آورو

لر ینی فیروز لوء لوء اسیر
نرْه شیری دِ ثلاث شیر گیر

لر دلیرون نهاونیّ یّل
پلکسه و خاک و خین و بی کُتل

لر ملایر ,دشت فیروزان ,خزل
قله دختر گُورّ و مردون دو مِل


لر ینی باقاسمو تپه گیو
دژِ نهری ,شانشین باریو

لر ینی توسرکون و دار وناو
گردکون پیر تاریخ لو آو

لر ینی مشق دلیری و شرف
لر ینی آزادگی و تاف لَف

لر ینی مفرغ , طلای لرسو
لر ینی آوازه ی لر دِ جهو

لر درءشهر دهلرون عیلامیا
یا وِ هر جا کِ لری هه شا پیا

لر ثلاث خرماوه اندیمشکیا
حیف قومم کِ دِ یَک واپشکیا

لر وروگرد,پل دختر کوه دشت
لر ینی نعمت خدا بارون وشت

لر ینی هف لنگ و چار بختیار
بهمئی و مَمسَن و دشمن زیار

لر ینی خاکی که یه مال لری
ریشه داره وا بهون و چایری

لر خیال راحت ایرون زمی ّ
سَر دَ قال و دالَه و دورهمی

لر صداقت لر وفا دورء ز رنگ
لر پناه و پشت ایرو روزِ تَنگ

https://telegram.me/lurishacademy