Бугун Шовот туманидаги 26- сонли умумий ўрта таълим мактабида таниқли ёш шоир ва таржимон Раҳмат Бобожон билан ижодий учрашув ва шоирнинг Тошкент,, Академнашр" нашриётида,, Излам " туркуми доирасида Ўзбекистонлик таниқли ёш шоир ва, ёзувчилар орасидан танланган 25 та ижодкорлар қаторида Раҳмат Бобожоннинг нашриёт томонидан янги нашр қилинган ,, Рўбару" номли китобининг тақдимоти бўлиб ўтди. Тақдимотда Ўзбекистон ёзувчилар уюшмаси аъзоси Қадамбой Шодонов, Мактаб раҳбарияти, устоз муаллимлар ва юқори синфлар ўқувчилари иштирок қилишди. Раҳматжоннинг ўзи ўқиган қадрдон мактабида ўтган маънавий, маърифий тадбир юқори савияда, самимий вазиятда ўтишида кўпчилик адабиётсевар ўқувчилар ҳам ўзларини қизиқтирган саволлар билан фаол қатнашиб тадбирнинг мазмунли ўтишига ўз ҳиссаларини қўшдилар. Сўзга чиққан Қадамбой Шодонов, устоз муаллимлар, Раҳматжоннинг ўқувчилик даври, ижодий фаолияти, эришган муваффақиятлари тўғрисида кенг, батафсил маълумотлар бериб ўтдилар. Тадбирда асосан билимларга, жумладан, адабиётга, китоб ўқиш, ижодга, ижодкорликка қизиқиш орқали ҳаётда эришиладиган натижалар- ютуқлар тўғрисида сўз юритилди. Шу сабабли устозларнинг чиқишлари ўқувчиларда катта қизиқиш уйғотганлиги уларнинг савол- жавобларидан сезилиб турди.Шоир Раҳмат Бобожон ҳам ўқувчиларга ўзининг ўқувчилик даври, ижодий фаолияти, пойтахтдаги ўқиш, иш фаолияти тўғрисида гапириб, мактаб кутубхонасига чоп қилинган китобларидан совғалар топширди. Тадбирдан фото лавҳалар