Осуда ҳаётини барбод этган ўша даҳшатли тунда энагалик қилаётган уйида эди. Уйга катталардан бири, ёки жавоб олган хизматкор қайтгунича болаларга кўз қулоқ бўлиб туриш учун қолганди. У чанқаб ошхонага чиқди.  Сув ичиб энди орқасига қайтмоқчи эди, қаршисида  маст Амир пайдо бўлди. Қиз уни кетган деб ўйлаганди. Паст овозда салом бериб ўтиб кетмоқчи бўлди. Бироқ Амир уни маҳкам ушлаб қучоқлаб олди. Тушинарсиз нималарнидир ғудирдаб хонасига тортилади. Осуда қалтираганча бор кучи билан қаршилик кўрсатишга уринди. Кучи етавермагач ёрдамга чақирмоқчи бўлди. Бироқ Амир уни оғзини маҳкам ёпиб хона эшигини қулфлади...