Otabek Bakirov

"ҚАЕРИГА ҚОН ҚУЙИЛИБДИ?"

Яна бир куни Ёзувчилар уюшмаси (Пушкин кўчаси, 1-уй) олдидаги майдонда уч-тўртта ёзувчи гаплашиб турган эдик, Лазиз Пўлатович келиб даврага қўшилди.

Кимдир кекса адиблардан бирининг инсульт бўлганини айтиб қолди.

– Нима бўпти у кишимга? – деб сўради Лазиз ака.

Хабаркаш, домла яхши англамади, деб ўйлади шекилли, ҳижжалаб тушунтира бошлади:

– Шу, кечаси тўсатдан инсульт бўпқоптилар, мияларига қон қуйилиб...

Лазиз Пўлатович барибир тушунмагандек савол назари билан қараб тураверди. Хабаркаш яна такрорлади:

– Шунақа бўпти... Ҳеч кутилмаганда мияларига қон қуйилиб...

– Уни-ку тушундим, – деди Лазиз Пўлатович бош ирғаб, – мен бошқа нарсани ўйлаяпман. У кишининг миялари йўқ эди-ку, қон қаерига қуйилди экан?..

Хайриддин Султон,
"Навоий-30" китобидан

Китобни "Mutolaa" иловаси орқали ўқиш 👇👇👇

https://mutolaa.com/book/navoiy-30

Ёз оқшоми. Қишлоқда тўй. Майдан эмас қиялаб тушган қиз нигоҳидан сарҳуш йигитлар даврани тўлдиради. Бошқалар енгил чапак чалганча четга чиқади.

Қулочлар кенг ёзилади, ер оёқларнинг оғир зарбидан титрайди, ичдан тошиб келаётган ҳайқириқлар овулнинг нарги бурчагига ҳам эшитилади. Ҳамма расо бўйдоқларнинг рақсига маҳлиё.

Шунда бир йигит, бир қизнинг тўйхонадан ғойиб бўлганини катталар сезмай қолади. Жўралар бир-бирига мийиғида кулиб қўяди, дугоналар бир-бирининг қулоғига нималарнидир пичирлаб, кафти билан лабларида ўйнаётган табассумни яширмоқчи бўлади.

Шунда тор кўчада олдинма кетин бораётган икки сояни тўлин Ой кузатиб қўяди.

Қизли остонага яқин қолганда илкис ҳаракат воқе бўлади. Ой ҳам сезмай қолади не бўлганини. "Ёмон экансиз...", деган араз аралаш эрка оҳанг ошиқ юрагидаги ўтни гуруллатиб юборади...

Тўйхонадан берида, анҳор бўйидаги толга суяниб турган йигитнинг қулоғига элас-элас қўшиқ киради:

"Қия-қия қирлардан қиялаб келган мен бўлдим...
Э-э-э-йййй, сарвинозззз..."

https://t.center/OtabekBaxtiyor

Мадҳни ҳам эплаганга чиқарган

ИСМИНГГА МОС ЖАСОРАТИНГ

(“Манчестер Сити” футбол клуби аъзоси, Ўзбекистон миллий терма жамоаси футболчиси Абдуқодир Ҳусановга)

Бу элнинг куч-қудратига,
Берилган соф баҳодир.
Боқиб қадди-бўйларингга,
Дейман: фахр Абдуқодир.

Исмингга мос жасоратинг,
Қодир зотдан чин атодир.
Омад, деган ўз-ўзидан
Келмас ахир, Абдуқодир.

Дунё футбол майдонидир,
Не ўйинлар бўлмас содир.
Мардлари кўп жанггоҳ ичра
Турмоқ оғир, Абдуқодир.

Олам бедор, йўқ ороми,
Қайга боқса ўзбек номи,
Оврўпа ҳам шак-шубҳасиз
Очди бағир, Абдуқодир.

Бобонг Темур, Мангуберди,
Жасоратда тенгсиз эрди.
Томирингда оқар қони,
Асли ёвқур, Абдуқодир.

Кимга тушса Ватан кори,
У аталар юрт шунқори,
Халқни полвон ифтихори,
Дейман: фахр, Абдуқодир.

Яҳёхон Фаёз,
Ўзбекистон Ёзувчилар уюшмаси аъзоси

(«Халқ сўзи» газетасининг 2025 йил 23 январь кунги 16 (8911)-сонидан)

Бирор янги ташбеҳ ёки фикр кўрмадим. Сатрларда сунъийлик, зўракилик бўртиб турибди. Овоз чиқариб ўқиганда айниқса, яққол билинади.

Қиёслаганда Амир Темур ва Жалолиддин Мангуберди номларини ишлатиш қанчалик тўғри? Бу ерда шеър қаҳрамони кимнидир енгмаяпти, жанг қилмаяпти. Балки машҳур ўзбек футболчиларини хотирлаш мақсадга мувофиқмиди?

Умуман, мадҳни ҳам эплаганга чиқарган. Бундай шеърлар ўқувчида фахр-ифтихор, ғурурланиш ҳисларини уйғотиши, одамни ҳаракатга ундаши, янги ғояларга илҳомлантириши керак эмасми?

Таққослаш учун Сирожиддин Саййиднинг Диёра Келдиёровага бағишланган шеъридан парчалар:

ИСМИНГДА ВАТАН БОРДИР

Исмингда Ватан бордир, насабингда ҳам – Ватан.
Ичдан қасд қилиб ичган қасамингда ҳам – Ватан.

...Эй, нописанд дунёни бир ҳамлада енгган қиз,
Париж, Лондон, Румода топилмагай сендай қиз!

Бир ярқ этди оламнинг кеча ва кундузлари,
Порлагандай Парижда Самарқанд юлдузлари.

...Сен олган тилло туғро кўксингда ярқ этган дам,
Хира тортди Фарангнинг фаранг қандиллари ҳам.

...Бу бир кибор дунёдир – Чироқчи ё Косонмас,
Оврупо панжасига панжа урмоқ осонмас!

Олдингилар, қарасанг, чангларингда қолибдир,
Бир ўзингмас – бутун эл, яхлит Ватан ғолибдир!

Осиёдир бу олам “о”дан токи “ё”гача,
Токи Токиогача, токи Токиогача.

Ўшал ёпон қизга ҳам менинг раҳматларим бор,
Ёпон қизмас, аслида йиғлади номус ва ор.

...Олдингилар агарчи зару олтинлилардир,
Энг гўзал олтинлилар – сендай олтинлилардир.

...Мабодо кайвонилар чорасиз қолсайдилар,
Эйфел минорасини курашга солсайдилар.

Шак-шубҳасиз шу заҳот курашчан ва шиддаткор,
Жисму жонингда жўшиб момомерос ғурур, ор –

Она юрт байроғини энг тепасига қадаб
Ва бу зўр ғалабангни элу юртингга атаб,

Эйфел минорини ҳам ҳалол уриб майдонда,
Қўлтиқлаб келар эдинг она Ўзбекистонга!

#hazratim

«Bugun kitob o'qigan odam kechagi odam emas!»

Shayx Muhammad Sodiq Muhammad Yusuf

👉 Obuna bo'ling: @HilolNashr

Чумолилар наздида
сен ҳам битта дарахтсан
янтоқ.

Муҳиддин Абдусамад

Нима қилай, таъмин билмасам,
Қиммат бўлса емаган сомсам.

Муҳиддин Абдусамад

Учрашмадик, барибир,
Бир тасодиф кутдик биз.

Муҳиддин Абдусамад

"Севасанми?" – дея нафас чиқариб,
"Севаман!" – деганча оляпман нафас.

Муҳиддин Абдусамад

Сен осмондан тушдингми, ёр,
Сен осмоннинг қизимидинг?
Сомон йўли – йўлингмиди,
Ой – товонинг изимиди?

Муҳиддин Абдусамад

Кўзларингда эрур мужассам
Бутун олам тортиш қонуни.
Йўқса, билмам, айланармидим
Атрофингда бунчалар, жоним.

Муҳиддин Абдусамад

Мен бунда не бўлсам бўлдим, соғиниб.

Муҳиддин Абдусамад

Кўзёш – фаррош.
Ювиб кетар юзингдан
бўса қолдиқларини.

Муҳиддин Абдусамад

Мўъжизам, яратиб гўзал мўъжиза,
Юрак боғларимга яна келдингми?!

Муҳиддин Абдусамад

Болаликни эслар онимда
битта юлдуз кўзини қисди
худди эски қадрдонимдай.

Муҳиддин Абдусамад

Юрагимнинг кўрки, дилимнинг кўрки
Қояларга тегиб синди сўзларим.

Муҳиддин Абдусамад

...ухламоқ учунмас,
уйғонмоқ учун
қачон ўқийдилар одамлар китоб.

✍ Муҳиддин Абдусамад