"Ma'rifat ulashib" loyihasi ijodkorlari TerDPIda Mamlakatimizdagi barcha oliy ta’lim muassasalari hamda umumta’lim maktablarining talaba va o‘quvchilarini kitob mutolaasiga jalb etish, badiiy savodxonlik darajasini oshirish orqali ularni vatanparvarlik va yurtimiz kelajagiga daxldorlik ruhida tarbiyalash maqsadida “Ma’rifat ulashib” loyihasida elimiz ardog'idagi shoirlar, yozuvchilar bilan uchrashuvlar tashkil etilmoqda. Jumladan, Termiz davlat pedagogika institutiga "Ma'rifat ulashib loyihasi" doirasida shoir, jurnalist va tarjimon “Do’stlik” ordeni sohibi Aziz Said, Yozuvchilar uyushmasi a’zolari Orif To’xtash hamda Isomiddin Po’latovlar tashrif buyurishdi. Dastlab, ijodkorlar tomonidan "Yashil makon" umummilliy loyihasi doirasida oliygoh hovlisiga ko'chat o'tqazildi. Shundan so'ng talabalar bilan ijodiy uchrashuv tashkil etilib, samimiy suhbat qurildi. Uchrashuv davomida yoshlar o'zlarini qiziqtirgan savollarga ijodkorlar tomonidan javob olishdi. Shuningdek, talabalar turar joyi hovlisida tashki etilgan "Gulxan atrofidagi suhbat" qizg'in mushoira kechasiga aylanib ketdi. ✍️  TerDPI matbuot xizmati ✅ Facebook 🌐 Veb sayt  📹 Youtube 🌐 Instagram ✅ Telegram