𝐊𝐑𝐒𝐓𝐀𝐋〞𓆪†“ٰۦ𖡋

حصنت نفسي واهلي وأبناء شعبي وبلدي من جنوبه الى شماله بحول الله وقوته استودعهم الله فأن الله لاتضيع عنده الودائع
الهي بفاطمه وأبيها وبعلها وبنيها رد كيد الاعداء في نحورهم ياعلي مدد يامولاي ياصاحب الزمان 🤍🤲

وعَلى غيّرك چِذب ماترهُم الروُح
ومنو غَيرك يسَد حاجة نضَرنا ؟
يـَأبن الناس غيَرك ماكو موضُوع
وهَـلبِت بالچذب شخَصك ذِكرنا
نسولِف بيك لأخر لحَظة بـَالليل
وتِرد مـِن الصُبح تشغُل فِكرنا.

الهَوى يَلتم عَلي مَنين ماذكرِوك
وأدَگ رِجلي واضِل بعَازة الخنگة
وأغص بَريحتك ماگمت اغـَص بالـَزاد
ألمفارگ النسَمة العَابرة تغرگة
مَو بَس الصَواب، النِفس هَم كَتال ".

و رسايّل مِنك لحَد هَسه أداريّهن
- مِثل نومة طفِل بالليّل أهز بيّهن
- واگلبهِن و أشوف ايامَك الحِلوات
- مُو حلوات بَس مجبور أَسميّهن .♡

شلونك بالتࢪاب شلون كاضيها...؟
هيجي بصورتك ضليت احاجيها...💔
المفࢪوض الورد يندفـטּ بالبستان...؟
شجابك للگبوࢪ شعࢪفك بيهه...؟
يبو الضحكه الحلوه هاي تاليها... 💔

حزن دنياي تمطر...ماصحتلي
وردت فرصه اشوفك...ماصحتلي
وكفت اكبال عينك...ماصحتلي
صحتلك ومادرت وجهك عليه

عليل وباخر انفاسي...تراني
عدل والؤآد جنازه...تراني
هلي وبل غربه ذبوني...تراني
ابنهم ليش هيج اكطعو بيه

جرعت الصبر من زغري..لن شاب
بچانون الهجر الحج...لن شاب
عود الفرح من تالي...لن شاب
بعد هيهات فرحه تلوگ اليه

على كلبي الهجر ملفوف...حبلا
النساني وراح ما تدرون...حب لا
صرت مثل البقت سنتين...حبله
بثلث صبيان بس ماتو سويه

يروحي ماحصل للجرح...يدباج
تودين الكطع بالضيج...يدباج
كتلني الفوك راسي كام...يدبج
اكله شبيك خفه يگول بيه

بحياتي ما شفت ياناس...راحات
اجيبن هاي كالو ذيج...راحت
الليالي الماحسبته تروح...راحات
واجتني الماردتهه تمر عليه

ثكيل الحمل خويه وانت...اخينه
وزامطنه بـ لبنه...وانتخينه
لا تنكرها اخوتك وانت...اخينه
الف وسفه عله اخيي العاف اخيه

اريد الزملك السجه...ونحراك
وحد سنوني بالملكه...ونحراك
نحور الوادم حجاره...ونحرك
مناره وتبرج من بيعد اليه

اجتني اخبار بس لليوم...ماشاك
وبدت تشعل ابكلبي النار...ماشاك
اجن وازعل اذا مخلوق...ماشاك
لان اني الك وانته اليه

كطير انصاب بالمطيار...ينحاب
بسهم گلبي ولحد الان...ينحاب
هوة المثل وجهي شلون...ينحاب
الحمد الله وهلي راضين بيه

صار سنين اطك حجار بحجار
وأول ماشعلت النار مطرت🥀