#yangi_nashr BO‘RILAR AFSONASI Muallif Do‘stbek Sulaymonovning ushbu kitobidan joy olgan hikoyalarning aksariyati tog‘lar bag‘ridagi vatandoshlarimiz or-nomusi, g‘ururi, lafzi, qo‘yingki butun hayotidan so‘zlaydi. Hayotni boricha, ortiqcha jimjimadorlikka o‘rin qoldirmay aks ettirgan hikoyalarni o‘qigan kitobxon beixtiyor ijodkor istagan zavqli mutolaa sari intila boshlaydi. Bu havosi musaffo tog‘lar sari talpingan g‘uborlardan xoli qalblardir. Ijodkorning umidi ushalsinki, tez orada «Bo‘rilar afsonasi» go‘zal qalbingizdan o‘rin oladi. Mas‘ul muharrir: G‘iyosxon Umarxonov Muharrir: Malika Suyunova Nashriyot: “Tubo nashr” O‘zbekiston Yozuvchilar uyushmasi Axborot xizmati