قصيده ل ام البنين ﴿ صابو اولادها ﴾
تقرأ مربعه ثكيلة
محتام الدليل اعله ام البنين
صابو اولادها وصابوه الحسين
هاي الحره وفايه
تعاي وعكدي الرايه
صابو اولادها وصابوه الحسين
●❥━━━━❂❂━━━━❥●
هاي ام البطل عباس معروفه
طيبة وبالكرم ياناس موصوفه
كون الها ضريح ونعتني نطوفه
كومي وحلفي بعباس وجفوفه
تعاي اليوم اندبيها
الحاجة منها اطلبيها
صابو اولادها وصابوه الحسين
●❥━━━━❂❂━━━━❥●
للمجلس تعالي دموع هليها
ابشده لو وكعتي كومي انخيها
بصوت اليوم نادي الشده حليها
والمهضومه انتي الي. اتفرحيها
ادري انتي التفرحيني
وابد لا ما. تخليني
صابو اولادها وصابوه الحسين
●❥━━━━❂❂━━━━❥●
بحيرة يالحبيبه لا تخلينه
وانتي يالحنينه من اهالينه
انعرفج كريمه وما تعوفينه
ووكت الشدة ابد لا ما تتركينه
بالمحشر تدخلينه
خدامج تسمينه
صابو اولادها وصابوه الحسين
●❥━━━━❂❂━━━━❥●
خدام ابو العتره وجينه اليوم
تعنينه وكلبنه حيل مهضوم
من كثر الألم ما شايفين النوم
وحيلي يالحنينه حيل مهدوم
أجيت ودمعتي اتسيل
ماظل بعد كل حيل
صابو اولادها وصابوه الحسين
●❥━━━━❂❂━━━━❥●
احلفج بالذبيح الليله وعباس
معروفه وكريمه وشايله احساس
تشهد بالكرم مولاتي. الناس
احلفج بلحسين اباخر انفاس
أقسم صرت بحسيني
امرادي بعجل تنطيني
صابو اولادها وصابوه الحسين
●❥━━━━❂❂━━━━❥●
بقلم الشاعرة والأستاذة نور الحسناوي
🖌https://t.center/NOOR_H_19
