مبطلة صلاة ليه ؟! مش معنى أن فيه صلاة فاتتك، أو راحت عليكِ نومه لصلاة الفجر يبقى تبطّلي صلاة .. مش معنى إنك عملتي ذنب فتضعفي فتبطّلي صلاة .. مش معنى إنك يئستي من حاجة و تعبتي فتبطّلي صلاة .. مش معنى إنك مش حاسة بلذّة الصلاة فتبطّلي صلاة .. الصلاة ترمومتر حياتك ، بيظبّط نفسيتك ، مش هقولك هتبقى سعيد أوووي، بس هقولك أنك هتستشعر الراحة اللي هتخليكِ قادرة تعيشي .. جرعه أكسچين، الأكسچين مش هيخليكِ حاسو بسعادة بس بيخليكِ تقدري تعيشي و تكمّلي و من غيره مفيش حاجة هتضمد جروحك .. الصلاة هتهذّبك أكتر، ورد أن رجل قال للنبي ﷺ عن أحدهم يصلّي و بيعمل كبيرة من الكبائر، فرَد النبيّ و قال " ستنهاه صلاته" فحاولي مهما كان حالك تتمسّكي بالصلاة و بالمُحاولة ربنا هيمدّك و يعينك، فمتبطّليش صلاة 🤎!"