1: وعليكم السلام ورحمة الله وبركاته بصي يجميلة، اولا كده قبل المذاكرة تصلي ركعتين وتدعي فيهم بتيسير الامر،وادعي بالعامية عادي،قولي يارب افهم الباب الرابع كيمياء،يارب كذا،وبجد عن تجربه،وتدعي ان ربنا يحببك ف المذاكره وتدعي يارب متشتتش وانا بذاكر، ثانيا تقرأي صفحتين من القرآن علي الاقل ثالثا الاوضة بتاعتك لازم تبقي مُنظمة، ده ليه؟ عشان تبعدي المشتتات عنك الشيطان هيوسوسلك هيفضل يقولك طب بصي الكوباية دي محطوطه كيف، بصي الملاية، هو عاوز يبعدك عن المذاكره، لان اصلا بتاخدي ثواب عليها، ف زي مبقولك رتبيها قبل متبدأي ثالثا تقولي قبل المذاكره اول متقعدي كده علي الكرسي، {رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي} ده الجوهري ديما يقولها يعني وكلنا حفظناها رابعا حتة النوم دي لازم تبقي نايمة من ٦ ل ٨ ساعات نوم عشان تصحي فايقة، والافضل تنامي بعد صلاة العشاء وتصحي قبل الفجر تصلي قيام الليل والفجر ثم تبدأي زي مقولتلك واقولك نصيحة من اخت ليكي عودي مخك انك كل يوم الساعة ٩ الصبح لحد ١٢ بتحلي امتحان شامل (علي اي باب او لحد موصلتي عموما، مش قصدي شامل كل المنهج) وتظبطي تايمر تلات سعات عشان ف اللجنة متخافيش وتبقي متعودة انك الوقت ده بتحلي فيه وبتشغلي مخك، وكمان تبقي متعودة علي التلات سعات بس اسفة بجد ف الاطالة ولكن قولتلك علي قد معرف، وان شاء الله اكون فيدتك وفيدت كل ثانوية عامة ووفقك الله ويسر امرك وحقق لكِ كل ما تتمني، انتي وكُل طالب علم ادعولي كتير معاكم 🤎.