📣 “Sevdo” filmining katta premyerasi boʻlib oʻtadi ⚡️Joriy yilning 6-dekabr kuni soat 18:00da O‘zbekiston Milliy kino san'ati saroyida O‘zbekiston Respublikasi Bosh prokuraturasi hamda Kinematografiya agentligi hamkorligida, “Vatan” kinostudiyasi tomonidan suratga olingan “Sevdo” badiiy filmining katta premyerasi bo‘lib o‘tadi. Filmda mashhur xonanda qizning qotillik qurboni bo‘lishi bilan bog‘liq jinoiy ish tafsilotlari haqida hikoya qilinadi. Shuningdek film, Rossiya, Turkiya davlatlarida hamda O‘zbekiston hududida suratga olingan. Filmda bosh rolni Aysanem Yusupova ijro etgan. Shuningdek, kartinada Samidxon Lutfullayev, Nigora Karimboyeva, Mashhura Zulfiqorova, Mehriddin Rahmatov, Rustam Karimov, Bahshillo Fatullayev, Boir Holmirzayev, Fotih Nasimov, Odina G‘oziyeva, Shohruh Hamdamov va Davron Karimov kabi mahoratli ijodkorlar suratga tushgan. Senariy muallifi va rejissyor – Hilol Nasimov, operator – Umid Malikov. Barcha yurtdoshlarimizni ushbu namoyishga taklif etamiz. 📍Manzil: Navoiy ko‘chasi,15-uy 🔂Milliy kino san'ati saroyi Axborot xizmati ✈️Telegram 🌐Instagram 🌐Facebook