"ما شاء الله" أهلًا دفعة 2025 معكم جوري حاصلة على 💯 في التحصيلي مبدئيًا أنا اختبرت فترة أولى فقط ويعتبر تهور بس عندي أسبابي. ١- الجانب الديني تأكدوا إنه وما توفيقكم إلا برب العالمين ادعوا وذكروا أهلكم يدعون لكم دايم وألحوا دومًا فما ذلك على الله بعزيز والله الله بالوتر. ٢-مدة المذاكرة أنا بديت من بدري مرة عشان تحصيلي البترول بس كانت متقطعة جدًا لو بجمع الأيام الي فيها مذاكرة بجدية بتكون 3 شهور صدق كافية، ولو أساسك مو واثق فيه خذ احتياط 6 شهور+البعض ياخذ وقت عشان يفهم كيف المفروض يذاكر فطول المدة مو ضدكم. ٣- المصادر من وجهة نظري مصدرين كانوا كافين -تأسيس يلو مع تجميعاته، بفلوس وما ندمت عليه جدًا فادني -غشام ولو تبغى تزيد فلك الحرية لكن ذولا فعلًا الي فرقوا معي ٣- طريقة المذاكرة ~ تأسيس أول شيء ماله داعي أبدًا تشوفون محاضرة في شيء أنتوا فاهمينه لكن لو حاسين بضعف في نقطة معينة ارجعولهم ويلو من وجهة نظري اختاروا نخبة المعلمين فيزياء -> فرح ابراهيم كيمياء -> محمد العمري رياضيات -> نادية بدوي/ وائل السيد أحياء -> أحمد سكول (للأسف ما يشرح يلو) ~تجميعات بعد ما تخلصون التأسيس وتنتقلون لمرحلة التجميعات، أنصح وبشدة تحلونها من قناة "كويزات يلو" يوفرون نفس أسئلة الدرس لكن ككويزات وبعدها تشوفون أغلاطكم كنت مسوية قناة خاصة بأغلاطي ذا الشيء مرة فرق بمستواي لأنه الكويزات تحطكم تحت ضغط وتعرفون بالضبط وش محتاج تطوير فيكم، للأسف ما اكتشفت قناة كويزات يلو إلا عالأخير فما لحقت أسوي هذي الحركة إلا مع الأحياء فقط وصار لعبة في اليد الحمد لله بعد ما كان أزمة وقبل اختباري شيكت على تجميعات غشام مهمة ولو كنتوا مخلصين يلو بتخلصونها بسرعة ٤-المراجعة راجعوا أغلاطكم الي حفظتوها من الكويزات وعيدوا في التجميعات دايم هي الي بتفرق أكثر من التأسيس تأسيس الأحياء هو الشيء الوحيد الي الرجوع للتأسيس حقه مهم ٥-قبل الاختبار توكلوا على الله ولا تصيرون زيي الصدق لآخر لحظة كنت أراجع أخطائي في الأحياء بس الأفضل يكون الشخص في اليوم ذاك مخلص بنسبة 100% وما وراه شيء ٥-التصحيح المعياري لا تسمعون أبدًا لسوالف المعياري ترا التصحيح عادل وكل الي حولي نقصوا بحد متناسب مع أغلاطهم وفيه منهم الي غلط وجاب مية، أنتوا مذاكرين مذاكرين في النهاية الفكرة ذي لا تحبطكم وبس أي سؤال تواصلوا معي @jjxo7