من_یک_پلدختری_ام

#دوره_وانسی

✍ نورمحمد محمدی نژاد

اول کـــــــه گُتِن دورَه وانَســِی
بِلاجیـــم اوماچنــــــو گُت کَسِی

نَمُــــــــــردِم و وُ دوره رَسیمه
همه ولاتِن چُـــــــــوارشه دیمه



چنو کــــــه دینِم دنیا خـــــراوِه
کُریاگوش نِدین وِحَرفِ بــــــاوه

اَ فِرمونِی دیٖ بونن واپُشت گوش
گَپی کوچکی هم بیده فرامــوش



روننده دینم ســــــی مســافره
دلشه واماشــــی بیفتــه دِ دره

بوئن وبُره خینشویا دِجــــــوش
پِت پیلَه یَکِن کِنَن وِ هُــــــروش

رزق وروزی هاوِدَس بالایـــــی
وِه چه قیمتی لُقمه نو هایــــی؟

وقتــــی،کــه،دینِم،غِنیوِم جـونه
سِزِرگَم بــوئه، دِایٖ زِمــــــونه


رویم وِ گِلِگَشت وا اهــل وعـیال
حــوریم وریزیم،همـــه ، بیخیال

تاتونیم اِشغال هیلیم وِ جـــــامو
نونیم گِل دِماهان وِزیر پامـــــو


کِـــــــرانِشینِ اَنجــول وِشونِم
دِلال بازی دیه گِرِته جـــــــونِم

مِ خُو مـــــالِ بار بیــده وِ بَهرِم
گُمِی یه بَنگاه هادِمیــــن شَهرِم

حِواسشو هیه،که کَسی نیه دِباغ
اجاره حـــونن ،کِنَن وِ کــو زاغ



شـــــو اعلام کنن روغه گرونه
صو دینـــی که صف، پُرخیابونه

عمده فروشی لوفالــــوف پُرِه
صف،شوشــــوکیه،وُ بحثِ بُرِه

مَرنَه هِمه مــــو دِ بـاو بَشِرِیم
عاقُوَتمـــــون هاوِکجــــابِریم ؟

#رادیو_پل
#من_یک_پلدختری_ام /عضویت👇

@Man_yek_poldokhtari_am