#onlayn_seminar Soliq qonunchiligiga kiritilgan o‘zgarishlar va qo‘shimchalar bo‘yicha onlayn-seminarlar bo‘lib o‘tdi Joriy yilning 22-23 yanvar kunlari Yirik soliq to‘lovchilar bo‘yicha hududlararo soliq inspeksiyasida sanoat sohasida faoliyat yurituvchi yirik soliq to‘lovchilar bilan birgalikda 2025-yil 1-yanvardan soliq qonunchiligiga kiritilgan o‘zgarishlar va qo‘shimchalar, shuningdek qonunchilikdagi boshqa yangiliklar mavzusida ZOOM platformasi orqali onlayn seminarlari bo‘lib o‘tdi. Seminar davomida mutaxassislar soliq va budjet siyosatining asosiy yo‘nalishlari qabul qilinganligi munosabati bilan qonunchilik yangiliklari bo‘yicha O‘zbekiston Respublikasining "2025-yil uchun Davlat budjeti to‘g‘risida"gi O‘RQ-1011-sonli qonuni bo‘yicha batafsil tushuntirishlar berdi. Shu bilan birgalikda, O‘zbekiston Respublikasining 2024-yil 24-dekabrdagi “O‘zbekiston Respublikasining Soliq kodeksiga o‘zgartirishlar va qo‘shimchalar kiritish to‘g‘risida”gi O‘RQ-1013-sonli Qonuni bilan Soliq kodeksiga kiritilgan o‘zgarishlar va qo‘shimchalar mazmun-mohiyati yuzasidan tushunchalar berildi. Ushbu seminar davomida yuqorida belgilangan qonunchilik aktlari bilan birgalikda O‘zbekiston Respublikasining 2024-yil 24-dekabrdagi “Soliq va budjet siyosatining 2025 yilga mo‘ljallangan asosiy yo‘nalishlari qabul qilinganligi munosabati bilan O‘zbekiston Respublikasining ayrim qonun hujjatlariga qo‘shimcha va o‘zgartirishlar kiritish to‘g‘risida”gi O‘RQ-1014-sonli Qonuni hamda O‘zbekiston Respublikasi Prezidentining “O‘zbekiston Respublikasining “2025 yil uchun O‘zbekiston Respublikasining Davlat budjeti to‘g‘risida”gi Qonuni ijrosini taʼminlash chora-tadbirlari to‘g‘risida”gi PQ-455-sonli qarorining mazmun-mohiyati tushuntirildi. Shuningdek, Yirik soliq to‘lovchi xodimlari tomonidan berilgan savollarga Inspeksiya mutaxassislari batafsil javob berishdi. Telegram I Facebook I YouTube | Twitter |Website