کانال شهرستان الیگودرز

#مهردادناصری👇
زمین جُهمِست و دُنیانه تَکون داد
زمونه غم ببار آبید و جون داد
زِ داغی که به ایرونُم رسیده
فلک رُهمِست و هُمدَردی نِشون داد.

#فیض_الله_طاهری_اردلی👇
به" سَرپُل"سازِچپ اوفتاده وا کار
زَنه " فرهاد" وا سَر اِز غمِ یار
"زمین جُمبِش" پُلفنی "بیسُتونه"
خَور وی" قصرِشیرین" بیده آوار.

#رضا_همتی_موگویی👇
زمین جُهمسته روز آبی شَوِ تار
همه ایرون زنو وابین عزادار
ز کِرمونشاه اِیا هی جار و اَمداد
تموم ِ گویَلُم رَهن زیر آوار.

#روح_اله_شیرازی_موگویی👇
نَه مَه مَندِه بِه شَوگارُم،نَه پَروین
یَه تی هَرس وُ یَه تیم آبیدِه وا حین
رِوُم فَرهادِنِه آروُم بِه هِی جار
کِه تَحلِه روزگارِ قصرِ شیرین.

#عباس_کاظمی_آرپناهی👇
غمی وی مالُمه جُمنی دواره
بهونه حونُمه رُمنی دواره
به گِل امشو نشسته قصرِشیرین
دلِ فرهادنه چُمنی دواره.

#دانیال_مومنی_لندی👇
به گوشم ناله و جیغشت اِویده
به کرمونشا زِمین جمبشت اِویده
زمینس چیلنه دِرده، اگوی که:
هَفین سی خَردنِ بِنگشت اویده.

#زینب_ممبینی👇
اگون جهمس زمین ,قصره تکون داد
شرین ری سینه ی فرهاد جون داد
بوین ای عشق بعد از بیستونس
زنو هم ,منجزی از خس نشون داد.

@lorestanaligoodarz

بداهه سرایی انجمن شعربختیاری۱۳مهر۹۶:

#مهردادناصری👇
ز نو غم اِویده به مالِ دلم
تش و تنگ کافر به حالِ دلم

#ایمان_رضایی_للری_لیله👇
همس تی به ره بی دلم تا بیا
فلنگِ بوستی ز بالِ دلم

#منصورامیری👇
ایَر بوسه زِت بُردمه، بردمه
چنو بُردَنی هد حلال دلم

#غفار_سواری_زنگنه👇
گرهدم عزا و نشهسـوم ب غم
ابندم کُتل تا وِ سال دلم

#جهانگیر_امینی👇
دواره غمت جور آل شهی
نهاده تشی زیر تال دلم

#سجاد_حاجیوند _آدینه👇
زه ملّا بپرسین خور داره هو
که سر ایدراره زه فال دلم

#دانیال_مومنی_لندی👇
مو چی کوگ و غم جور تیر تفنگ
تش اینه همس مینِ چال دلم

#مهدی_شیرازی_موگویی👇
مو تیر ایونم سی شکال دلت
تو ناز ایکنی سی شکال دلم

#هاشم_احمدی_کیارسی👇
یو چَن ساله رَهدی مو مندیرِتُم
ز داغِت پ چَندی بِناله دلُم؟

#سعیدصالحی👇
ز روزی ڪه رهدی ز تی مو ستین
خوشی بارِ بس ره زِ مالِ دلم

#بهنام_ناصری 👇
خیال توجورتش نازلو
بلاز همس هی وچاله دلم

#سعیدصالحی
ز همسو که رهدی چنو خوار اویم
که اینه به دینُم وِ گاله دِلُم

#صــــویــربختــیارے👇
هَمه جا نِشسته کِلُم سا غَمت
که سیت ایزنه فِر خیالِ دلم

#روح_اله_شیرازی_موگویی👇
غم دوش و امروز و صحو تیات
گرهده خدایا مجال دلم

#سعید_آزادی👇
کسی نی بیا وا چقونی بره
تموم غم ودرد کال دلم

#آستاره_اسیوند👇
زِ بی هُمدرنگی اِنالــم هَمس
غَریوی اویده هُوال دِلـم

#مهراب_کوراوند👇
چُنو حیشِ غم ایزنه سَر دلم
که مَردُم اِگون گا مکالِ دلم

#مهشید_شرافی_زاده👇
تیامون اِبازن و دیندایِ یک
دلت سازه و میشکالِ دلم

#کینــــوکُتُکــی 👇
گلم ترنه هاته مده دست باد
مکن هف ور انگشتِ زال دلم

#جلال_محمدی👇
گِریوُم زِ دیری شَوا تا زِلَه
نیایی بشینی و بالِ دلم


#کانال_شهرستان_الیگودرز

@lorestanaligoodarz