*د شام د صیدنایا زندان د بندیانو زړه بوږنونکې او حیرانوونکې کیسې!* ۱. له خلاصون وروسته بندیانو ته معلومه شوه چې په نړۍ کې موبایل تلیفون هم ایجاد شوی دی. (د بند موده: ۴۰ کاله) ۲. کله چې مجاهدینو د زندان دروازه خلاصه کړه او بندیانو ته یې وویل چې تاسې آزاد یاست، نو یو بندي وپوښتل: "آیا صدام حسین د اسد کورنۍ ختمه کړې؟" هغه ته دا نه وه معلومه چې صدام حسین پخپله هم په دې نړۍ کې نشته. (د بند موده: ۳۰ کاله) ۳. ځینې بندیان داسې ول چې په زندان کې زېږېدلي وو او د خوشې کېدو وروسته یې لومړی ځل د لمر رڼا، ونې، واښه او ازاد فضا ولیدله. ۴. په زندان کې دومره دردناکې سزاګانې ورکول کېدې چې بندیان به لیوني او مجنون کېدل، آن د خپل نوم، ښار او کلي څخه به بې خبره شول. ۵. بندیانو ته به څو ورځې او اوونۍ خوراک او اوبه نه ورکول کېدې، چې په پای کې به یې د لوږې او تندې له وجې خپل ادرار څښلو ته مجبورېدل. ۶. په زندان کې بندیانو ته لمونځ، روژه او هر ډول عبادت بند و. ۷. په زندان کې یوه لویه د اور بټۍ تل بلېدله چې د "اسد دوزخ" په نوم یاده کېده. کله به چې یو بندي پکې سوځول کېده، نو ورته به ویل کېدل: "د اسد دوزخ ته ښه راغلاست!" ۸. په زندان کې یوه ځانګړې کلنګ ماشین وه، چې په کې به مړي ټوټه ټوټه کېدل، هډوکي او وینه به یې جلا کېدل، او بیا به په یو ځای کې ښخېدل. ۹. د بندیانو غاښونه به ماتېدل او برقي شاکونه به ورکول کېدل. ۱۰. بندیانو ته به یې پښې ورماتې کړې او بیا به یې د منډې وهلو امر کاوه، او د خوراک لپاره به یې مړه موږکان ورکول. ۱۱. هره اوونۍ به ۲۰ څخه تر ۵۰ بندیان اعدام کېدل، او هغه څوک چې د اعدام په لیست کې و، ټوله شپه به وهل کېدل. ۱۲. په زندان کې د مالګې یوه کان وه، بندیان به یې ټپیان کړل او په مالګه به یې څملول. ۱۳. یو بندي د خوشې کېدو وروسته وویل: "نن زموږ د ۵۰ کسانو د اعدام ورځ وه، خو الله تعالی همدا ورځ مجاهدینو ته د فتحې ورځ وګرځوله." د صیدنایا بدنامه زندان د اسد کورنۍ جوړ کړی یو داسې قصاب‌ځای دی چې د هغې زړه بوږنوونکې کیسې د اورېدو وروسته، د امریکا ګوانتانامو زندان جنت ښکاري!