قصيده لمولاتي ام البنين تخاطب اولادها عليهم السلام متعوبه عگبكم روحي متعوبه ومااندل الطف ابيا جهه دروبه متعوبه واجر النفس بالگوه على شيلت اجدامي بعد مااگوه مضلم بيتكم والدنيا مو حلوه اون لفراگكم والدمعه مسچوبه ام مرتضى الخفاجيه✍🏻 ______ اسجب بالدمع هل مولحت عيني وكل ما اسكت المنزل يبچيني تردولي اشوكت يضناي حاچيني لخلص العمر بالهم واضل منكوبه العلويه ام مرتضى الموسوي ________ متعوبة ييمه وروحي خلصانه مااوجد الدرب وعيوني عميانه يوحشة بيتكم تخنكني حيطانه يواسيني الدمع والونة مطلوبة ام علي الرضا الخرسان ____ عفتوني ابهمي والدهر قاسي گاتلني هجرگم يااعز ناسي تمنيت الولد بالموت عد راسي جمرة گربله بگليبي منشوبه ✍️ ام حسين الحلفي✍🏻 _______ تعبني الدهر والطف خذه عيوني وصيح بصوت وين الدرب دلوني ترا بتالي. العمر يايمه تدروني وايام العمر للموت محسوبه ام مرتضى الحواسي✍🏻 _____ امميتكم تراني اوروحي محنيه ادعي الباري يبني ايعودكم ليه سافرتو ولا هميتو بالجيه مادري بجثثكم بقته مسلوبه زهره الكناني✍🏻 ___ تـــمـ بعون الله تعالى ـــت بقلـ✍️ـم شاعرات اهل البیت ع في رابطة دموع العقیله ع  لانجيز حذف الاسماء✋ ☘️نسالكم الدعاء☘️ https://t.center/Kfeilzainp