مـارال: مش جايني نوم اني. غالـيه: حتناا🙂. سلوىٰ: اخخخ شايلـه حمل ڪبيـر من العزومـه. مالـوما: هادا ڪلـه من جـدي المهبـول انشالله ينجلط. مـارال: جبتـي ڪل حاجه يام؟ سلوىٰ: اي حتى الخضرا بعثت رمزي جابها ڪلهـا باش غدوة انديروا اني وخالاتك العصبـان عارفه عمتـك ونسوان عمـك مايتحـركو من مڪانهم غدوه. غالـيه: ميروو؟ مـارال: نعم غالـيه: شن رايك ننـزلوا لـِ المطبخ وانديـروا حاجه لـِ العزومه؟ اناا صح مش متذڪره شي لكن انساعدك. مـارال: زي شني؟ غاليـه: مثلا اممم نوع مالـح؟؟ مالـوما: اي باش تصهدڪم الڪوشه وتولوا سود يوم الفاتحه ولا؟؟؟ مـارال: بس توا ليل وانتي راسك مازال يوجع فيك. غاليـه: غيرر هياا صبي ومنها حتى انغير جوي. مـارال: شني رايك يام؟ سلوىٰ: ديـروا اي حـاجه المهم ڪثروهم بس. غالـيه: ڪم طرف يعنـي؟ سلوىٰ: 200 طـرف. غالـيه: وااجد بكلل خلاص هياا نوضي نبدوا فيهن. سلوىٰ: امالا اني نمشي انڪلم ڪم وحده نعرفـها نحجز انواع مالـح وحلو. مالـوما: امي ديريلنا روزاطه لِـ العزومه🙂. سلوىٰ: روزاطه عينـك نوض ارقـد انتم عند مالـــك مش عنـدي اني غالـيه: الساعه ڪم توا؟ مـارال: 10 ونـص مالـوما: اني بنمشي انڪسد علي مودي هيي بونسواار. لـِلڪـــاتبـه: البــحــــآࢪيـــه🔥🦅. ناضـت مـارال غيـرت لبـسها وغاليـه لبسـت توته طويلـه وحطـت علي راسهـا طربوش يستـر شعرها ونزلن لِـ الڪوجينه. وبـدن البـنات ايحـوسن فِـ الڪوجيـنه وڪملـت هداريز وشغـل وبصـاره وضحـك وبعـد اربـع ساعات: مـارال: اخخخ يراسيي. غاليـه: ينعلـي بشمطتنـي الڪوشه نااعع😭😭. مـارال: ڪم مـزال طرف؟ غاليـه: خلاص مزالن 30 طرف ونسڪـرو الـ 200. مـارال: بااهي كويس طاجينين بس ونڪملـو اخخ يـَ ظهري غاليـه: ڪله من راياتي نا السووود عطني دعوه😭😭. مـارال: قداش الساعـه توا زعمه؟؟ غاليـه: تعالي بس خلينا انكملوهن ونمشـو نندفسوا قريب انخش فِـ هالڪوشه بالطول نرقـد فيهاا جوا ناا. مـارال: اي هيي😂😂. غاليـه: قتلـك؟ مـارال: نعم غاليـه: بڪرا من بيجي هنا؟ مـارال: عدي ؏ صوابعك. غاليـه: هي🙂. مـارال: خالاتي الاثنيـن ببناتهم وولادهم وخوالي وعمي أحمد بعيلته وعمتي ببناتها وولدها ايي صحح وجدي مسعـود وولده سالـم بـمرته وصغاره... هادم العيله بس ماحسبناش الضيوف. غاليـه: مشاءالله ڪلهم جاايين بڪره هاضووم؟ مـارال: اي وبيقعـدوا اهني لـِ الفاتحه اخخخ يـَ رااسي بينفجـر😭😭😭. غاليـه: بااهي والضيوف؟؟مش حيسدنن هذين حيعليناا. مـارال: لالا مالـــك بياخدها عزومه التريس يعني احني علينـا عزيمـه النسوان بس. غاليـه: بااهي ريحتيني. اليـوم الثاني✨. الســاعه 7:00 الصبــــح/. ياسمين: صباااححح الخيييرر.... نوضي هياااا انتي وياها. مـارال: انتي شني اللي جابـك توا؟ ياسمين: جيت اني وامي .... لولي حبيبي نوضي هياا. غاليـه: هممم..... خليني نرقـد يراا ڪنك. ياسمين: نوووضواا هياااا. مـارال: مالناش ثلاث ساعات راقدين احني راه اخطينا. ياسمين: وعلااش؟؟ غاليـه: امس درنا موالح 200 طرف متخيله انتي😂. ياسمين: يااخاينات وعلاش ماقلتولي جيت عاونتڪم؟ غاليـه: ماراح عليـك شي يـَ حنه تو اتساعدينا اليـوم. مـارال: خلاص نووضي انتي لـِ الحمام والبسـي واني نسبقـك تحت غاليـه: تمام. نزلـن مـارال وياسمين تحـت وغاليـه خشت دوشت ولبسـت ونزلـت. شافـت سلوىٰ والبـنات ايضمـن فـِ لحـوش ورجـعه اتحـوس فِـ الڪـوجينه خشت معهـا اتسـاعد فيـها. مالـوما: صبااحكم اسوود انوود امقربعع علي روسڪم. سلوىٰ: ضروري ڪل صبح اتنوض بعياااط مالـوما: انتم علاشش امنوضيني تبوني ننصـب الغـدي ولاشني؟ غاليـه: 😂😂😂😂. مالـوما: يحليلي عالصبح القنيين😍. سلوىٰ: بـوك امشي هو ومؤيـد لـِ الشـرڪه هياا سلم اوليدي باش اتجيبلنـا الضياافه. مالـوما:ووووووك عليااا انشـالله انمـوت وماتلقـوا مڪـان تدفنوني فيه وجـدي اتجيـه جلطه فـِ مفشڪه. لـِلڪـــاتبـه: البــحــــآࢪيـــه🔥🦅. فـِ حـوش عهـد/. سـاجـده: بنعـرف شن نوضها بطنك توا بس. عهـد: ينعلييي يـَ بطنيييي ناا شڪـله عندي سرطاان خلاصص بنموووت وووووك علياااا نااععع😭. سـاجـده: هااڪي اشربي بلا نوطره زايـده وانتي اتفصعيي قدام وجهي ڪيف الحنش😒. عهـد: هضاا شنوو. سـاجـده: نعنااع اشربيه ڪلـه بيش ايهديها شوي. عهـد: اعععع منحبااش حيديه من قداامي. سـاجـده: ماتحبيش عينـك تشربي ولا انشـربه لـك نا؟ عهـد: اخخخ يبطنيييي وووووه علياااا ڪلـه منڪم ماتبـوش اتعاينوونيي خلاص بنزوز نااعع😭😭😭😭. صالحـه: تسڪتي ولا انجي نسحنك؟ بعـدين باتـك اليوم حجزلنا عند دڪتور فِـ طرابـلس جاي من براا قالو ماشالله عليـه.