مالـوما راقـد فـِ سابـع نومه وخشـت عليـه رجعـه. رجعـه: مالـوما... مالـوما مالـوما: اي رجعـه: نوض سلم وليدي باش تمـشي مع بوك لِـ حوش عمـك إبراهيـم.. مالـوما: عمـي إبراهيـم؟؟ رجعـه: اي اليوم جدك امدايرها غادي العزومه. مالـوما: تماام ناض مالـوما وخش لِـ الحمـام غسـل وجهه وقعـد يسمع فِـ خبيط ؏ روشـن داره ناصـر: مالـوما يـَ حبي نووض هيااا. مالـوما: تيي خيرك اتصـيح؟ ناصـر: صباح الخيــر يَـ اقنين. مالـوما: الله يلعنـك ويلعـن صباحك ويلعـن مساك. ناصـر: هيااا يـَ بيبي اليـوم الغدي عندنا هياا باش نمشـوا. مالـوما:تيي مزال بڪـري. ناصـر: مافيشش بڪري.. بتنـزل ولا انديرلك العـار🙂. مالـوما: تيي باهيي عطيني نص ساعـه بس. ناصـر: خلاص امالا ماتعطـلش نستنى فيك فِـ السيـاره. مالـوما: تم يـَ طيري. فـِ دار مؤيـد /. رجعـه: صباح الخيـر وليدي مؤيـد: صباح النور يـَ عمتي ڪيفحالك اليوم؟ رجعـه: الحمدلله... قالـلك بوك نوض باش تمشـوا لِـ الغدي فـِ حوش عمـك إبراهيـم. مؤيـد: حاضـر دقيـقه بـس مالـوما: صبااح الخير يـَ عصاافير سلوىٰ: صباح النور أغيـد: ماشالله نايـض بڪـري؟ مالـوما: اي ناصـر يستنى فيـا برا... قتلـك يام البنـت ويـن انصبحـوا عليها🙂. سلوىٰ: اطلـع من وجهي اتصبـح عليهـا عينـك. مالـوما: حييي ناصـر امدايـر العـار برا بنطلـع توا نتفاهمـوا بعـدين يام. أغيـد: اسمع يـَ فـرخ ماتعصـبش جـدك انت وهالبغـل ناصـر. مالـوما: تم يـ َحبي مؤيـد: صبـاح الخير سلوىٰ: صبااح النـور. أغيـد: استنـى دقيـقه نبـدل حوايجـي ونجـيك. مؤيـد: تمام... عمتـي رجعـه قهووتي وين؟ رجعـه: اتفضـل. مؤيـد:صحيتي.. امـي اليوم خميس ولا؟؟ سلوىٰ: اي مؤيـد: امالا علاش امدايرين اغدي اليـوم؟ سلوىٰ: هادا جدك ڪلـمني قـبل يوميـن وقالـلي امداير عزومه الخميس وبعـدها صار موضوع مالـــك بوك اتصـل بعمـك إبراهيـم عشان يستلـمه هوا بدالنـا. مؤيـد: اڪـيد فيه حاجه. سلوىٰ: انشالله خير. فـِ دار مـارال/. ياسمين: صبااحو هديـل: صباح النور مـارال: هي نوضـي ننزلـوا نفطـروا مع ماما هديـل: خلاص نلـبس عبايتي بس. ياسمين: عباايه شني مافيش حد تحت ڪـلهم طالعيـن. هديـل: لالا بنلبـسها احسن. مـارال: عبايتـك خذتهـا عمتي رجعـه وغسلـتها تعالـي نعطيـك عبايـتي تلبـسيها. لبـست هديـل العبـايه ونزلـت مع البـنات تحت وقمعـزوا مع بعضـهن يفـطرن ويهدرزن. للڪــــاتبـــه: البحـــاࢪيــــه🔥🦅. فِـ حوش إبراهيـم /. ڪـلهم ملتميـن عندهـم احمـد وعيـاله واحفاده وسالـمه وولادها وأغيـد وولاده . خشـن الصبـايا لِـ الڪوجينه يسـاعدن ؏ الغدا والبـنات يهدرزن فـِ الصـاله. مروة: اي سمعـت عليـها البنـت من بوي. ساره: خاطري نعـرف ڪـيف جـدي وافـق تقعـد عندهـم؟ خـوله: وبعـدك قالـوا صغيـره فـِ العمـر. ساره: حيي عليـك يـَ مروة ڪـان ماتاخذ منك مالـــك. أفنـان: حـرام عليـڪم شن امدايرتلڪـم البنـت؟ ساره: تراا اسڪتي انتـي وخليـك فـِ خطيبـك بس. مروة: تاخذه عينهـاا😒. خلود: والله ماواخذ وحده غيـري. مروة: تو نشبحـوا ياخولـه مالـــك منوو يختـار. خديجه:😂😂😂😂😂. أفنان: اني نمشـي لـِ الڪـوجينه خيـرلي😒. فـِ الڪـوجينه/. عزيـزة: الحـق ڪلـه علي عمـي يـَ سالمه ڪـيف يخلـي بنت برانيـه تسڪـن فـِ حوش فيـه شباب؟ سعاد: اي صح عزيـزة معاها الحـق لازم تحڪـي معـاه. سالمه: بـوي مش قـادر يتڪـلم مع مالـــك فِـ الموضوع. عزيـزة: اللـطف وعلااش علي راسه ريشه امالا؟ سالمه: علي موضوع الشغـل والشـراڪـه اللي بينهم. سعاد: المشـڪله حتـى أغيـد وسلوىٰ واقفـين مع مالـــك علي الغلـط اللـي امدايره. عزيـزه: المشڪله الأڪبر مالـــك ماهوش ولدنا باش نتحملـوا اغلاطه اللي امدايرهم. سالمه:يستـر الله وخلااص أفنان: تيي هادا شنيي ذنوب فـِ الحوش ڪلـه ماعندهم غيـر البنـت يحڪـو عليـها امالا نمشـي لـِ داري احسنلي. فِـ المــربوعه/. أغيـد: اهوو جي مالـــك يـَ بوي. مالـــك: السلام عليـڪـم ڪلـهم: وعليـڪم السلام ناصـر: خـاطري نعرف شيباني الجـن هادا شن يبي😒. مالـوما: زعمـه بيقـسم الورثه؟؟ ناصـر: حييي عالجووو😂😂😂. مالـوما: اني بناخد الجـرد امتااعه. ناصـر: واني بناخد الشنه😂😂. مؤيـد: ورثه عينـك انت وياه😒. مالـــك: تستنـوا فياا امالا؟ خالـد: جـدي ماباش يتڪلـم يستنـى فيك😒. عـادل: هاا يـَ عمي اهوو مالـــك جي. مالـــك:( سـند ظهـره ؏ الڪـنبه وحط رجله عالثانيـه): اي شـني الموضوع؟؟ الشــــــامــخ:  انـي جـمـعتڪـم بــاش انــخـبـرڪـم ان .................... يتبــــــــــــــع.............. للڪــــاتبـــه: البحـــاࢪيــــه🔥🦅.