آغارتدیم ساچلاری سنده ن خبرسیز
🖤کوچوب بیر داهالیق گئتدین یانیمدان
بوتون دویقولاری آلدین جانیمدان
ایتیب گورونمه ین ناکام آنیمدان
اوتوشمه دی بیر آن ، غم سیز کدرسیز
آغارتدیم ساچلاری ، سنده ن خبرسیز
بیر سئوگی نیسگیلی قالیبدی منده
یاشادیغیم ایل لر ، ایتیب دی چنده
کئشگه بو حالیمی ، گور ائیدین سنده
اوتوشمه دی بیر آن ، غم سیز کدر سیز
آغارتدیم ساچلاری ، سنده ن خبر سیز
سنده ن سورا ، ظولوم ظولوم آغلادیم
نئچه کونول قیریب ، اوره ک داغلادیم
نه کیمسه نی سئویب ، نه بئل باغلادیم
اوتوشمه دی بیر آن ، غم سیز کدر سیز
آغارتدیم ساچلاری ، سنده ن خبر سیز
نئچه واخت دیر ، سنده ن داها خبر یوخ
بوندان بویوک منه ، درد یوخ کدر یوخ
آنجاق کی بو گون لر ، داریخیرام چوخ
اوتوشمه دی بیر آن ، غم سیز کدر سیز
آغارتدیم ساچلاری ، سنده ن خبر سیز
🖤🎭 ❤️🔥 🇦🇿# ظفر گونون یاخیندی آزربایجانیم #
@KAMNTs