Темур Копадзе бугун тунда Тошкент-Доҳа рейси билан Қатарга учиб кетади. Худо хоҳласа жамоамиз йигитлари билан эрталабки нонуштани бирга қилишади. Бу йиғинда Копадзега Сречка Катанец штабидаги мураббийлар ёрдам беради. Ўз тренерлар штабини кейинчалик шакллантиради. Ҳозир йиғинда бўлиб турган футболчилардан бошқа йигитлар чақирилмайди. “Яна қараймиз” -деди Темур. Агар Иордания билан ўйингача кимнингдир хизматига муҳтожлик сезса, имконияти топилса чақиртирилиши мумкин. ЎФА билан шартнома ҳақида ҳеч қанақа келушув бўлмаган. Яъни Копадзе қанча муддатга, олдига қандай вазифа қўйилди ва қанақа шартлар асосида тайинланганлиги маълум эмас. “Биз аскармиз. Қўнғироқ қилишди. Чемоданларингни тайёрла деб айтишди. Ватан олдида ўз вазифамизни чин дилдан бажарамиз.” - деди Миллий жамоамиз янги бош мураббийи Темур Копадзе. Ва сўзлашувимиз охирида дуода бўлизлар деб қайта-қайта сўради. Бу миллат бу жамоа ҳаққига ҳар доим дуода бўлган. Бу одатимиз йўқолмайди. Шундайми..? @Jamoliddin_Bobojonov