زول سوداني 🇸🇩☻

Channel

@insurgantPromote

12.49K

subscribers

بلادي أنا بلاد ناساً تكرم الضيف وحتى الطير يجيها جيعان ومن أطراف تقيها شبع 💕 إدارة ابو رأفت @Insurglnt

Love Center - Dating, Friends & Matches, NY, LA, Dubai, Global

Find friends or serious relationships easily

زول سوداني 🇸🇩☻

بقلب في إكس "تويتر سابقا" لقيت مجلة عامله إحصائيات عن اكثر البلدان بؤسا في العالم، للأسف نحن جينا من الخمسة الأوائل، كنت متوقع إنه القانا بس يعني ما لي درجة الخمسة الأوائل.

1.8K viewsابو رأفت🖤, 05:37

زول سوداني 🇸🇩☻

مافي حاجة كدا زي آله الزمن الواحد يجيب بيها حاجات عايزا في نفس ذات اللحظة ؟ زر تضغطة كدا وتجيك الحاجة النفسك فيها وخلاص، وبعدين هي زاتا ما حاجات صعبة يعني شديد، يدوب بسكويت بركة أو رويال الواحد يشرب بيه شاي الصباح دا كأحلام بسيطة كدا.

2.0K viewsابو رأفت🖤, 05:42

زول سوداني 🇸🇩☻

خزائِن الله لا تنفد، ويداهُ مَبسوطتان، سحَّاء الليلِ والنَّهار، وما عند الله من الخَير إنما يُنال بطاعَته، وذِكْره، وتلاوة كتابه، ودعائِه رغبةً ورهبة . َ
قال ابن تيميّة -رحمه الله-: َ
“ الإكثار من الذِّكر والدُّعاء مِفتاحُ كلّ خير ”

2.9K viewsابو رأفت🖤, 03:12

زول سوداني 🇸🇩☻

صدق النية سبب لطمأنينة القلب وتفريج الكروب وتحقيق الغايات : ﴿ فعلم ما في قلوبهم فأنزل السكينة عليهم وأثابهم فتحا قريبا ﴾

2.7K viewsابو رأفت🖤, 03:12

زول سوداني 🇸🇩☻

‏( عسى الله أن يأتيني بهم جميعاً )
‏حتّى لو تزاحمت عليك الأمنيات؛ ما دُمت بباب الله لا تترك شيئاً لم تبُـح به في سجودك ، فربُـك أكرم مِن أن يستجيب بعض الدُّعاء ويترك بعضه

2.6K viewsابو رأفت🖤, edited 03:11

زول سوداني 🇸🇩☻

شنو السبب البيخلي الشخص يتحوّل من شخص مُهِم إلى شخصٍ عادي، إلى عادي جدا ؛ ثم إلى معرِفة السّواد يايُمّة !!

3.8K viewsابو رأفت🖤, 21:27

زول سوداني 🇸🇩☻

Forwarded from زول سوداني 🇸🇩☻ (ابو رأفت🖤)

شباب صباح الخير

مافي شي والله بصبح عليكم ساي وقلت اشوف لو في زول محتاج اي حاجه يوريني بيها وانا ان شاء الله ما ح اعملها لانو كلنا زيك واااااحد.

الله يخليني ليكم.

3.4K viewsابو رأفت🖤, 05:38

زول سوداني 🇸🇩☻

شباب كيف مع عدم العرس دا.؟

3.9K viewsابو رأفت🖤, edited 12:02

زول سوداني 🇸🇩☻

حضرت بودكاست لدكتور سوداني بتكلم عن التربية والسلوك اتكلم عن نقطه مهمه جدا حته انه الشافع فالسودان برسلوه الدكان بقولو ليه امشي الدكان جيب الحاجات بنديك قروش، او شيل الباقي، فعلا عشان كدا الشعب كله طالعين سماسرة واستغلاليين، غايتو حلقة جميلة احضروها.

4.2K viewsابو رأفت🖤, 07:53

زول سوداني 🇸🇩☻

هسا فيها شنو لو صحينا من نومة كدا ولقينا الحاصل دا كله حلم ! وسوداننا دا من اقوى اقتصادات العالم، والواحد من مطار في تندلتي بركب الخطوط السودانية ينزل jfk دايركت، ومن التصدير حق القطن اهلي مدني مسجل كرسيتيانو مثلا يعني، وعندنا موسم اسمه موسم القضارف، وايش تبغون تاني يا عيال ؟!

4.7K viewsابو رأفت🖤, 08:16

زول سوداني 🇸🇩☻

وبينما نمضي في هذه المسرحية، نعيش أدوارنا بكل ما تحمل من تناقضات وتحديات، قد لا نكون مخرجين للحكاية، لكن في داخل كل واحد منا قدرته الخاصة على إعادة صياغة ما يُكتب له، على مواجهة المجهول بابتسامة صامدة، والتأقلم مع ما يفرضه القدر، في كل خطوة نخطوها، نختار أن نصنع جمالًا من الفوضى، أن نخلق الإبداع وسط التحديات، وأن نعيش بشجاعة وحكمة، ففي نهاية المطاف، ليست السيطرة هي ما يحدد مصائرنا، بل المرونة والإبداع في تعاملنا مع مسار الأحداث، تلك هي القوة الحقيقية التي تقودنا نحو الحياة التي نريد.

4.9K viewsابو رأفت🖤, 04:29

زول سوداني 🇸🇩☻

واحدة من مشاكل أغلب السودانيين الحقيقية والمؤثرة بصوره بشكل كبير في نزاعاتنا دي سواءً بصورة مباشرة او غير مباشرة، إنه اي زول ما اتفق معاه بصنفو ضدو، حتى ولو كان بقول في الحق، بس طالما ما صادف امنياته معناته هو ضده ضارب بالحق والحقائق عرض الحيطة عادي، ماف ازمة ح تتحل طالما ماف زول بثبت الحق حتى ولو كان عكس امنياتو.

4.8K viewsابو رأفت🖤, 06:21

زول سوداني 🇸🇩☻

الاستقلالية في العلاقات الاجتماعية دي واحد من المفاهيم المحتاجة اعادة تعريف من تاني لأن لسا في كتير من الناس قاعد يحسبها انها إنفصال عن الآخرين، في حين انه الإنسان بطبعه كائن اجتماعي ويحتاج بصورة او بأخرى انه يعيش في علاقات اجتماعية من حوله، انك تكون مستقل دي ما بيعني ان تكون منعزل بنفسك، لو هي اصلاً كدا كان الله خلقك في الغابة هناك وبقاك ماوكلي، والغريب في الأمر انه في ناس بنادو بالكلام دا بغباء وهم اول ناس بحتاجو للناس لم يتزنقو.

5.0K viewsابو رأفت🖤, 05:42

زول سوداني 🇸🇩☻

Forwarded from زول سوداني 🇸🇩☻ (ابو رأفت🖤🏌️‍♂️)

‏كلُّ الحياة تبسَّمت لحديثهِ
‏وبهديه غيثُ السماحة أمطرا
‏صلّى عليك اللهُ يا من ذِكرُهُ
‏عطرٌ تضوَّع كالنسيم إذا سرى،‏ ﷺ
جمعة مباركة عليكم 💛

4.9K viewsابو رأفت🖤, 06:02

زول سوداني 🇸🇩☻

للناس البتسأل عن موضوع التداول والمنصات دي، بي بساطة كدا وبدون تفاصيل كتيرة وكلام كبار، عربي واضح كدا هل في زول عرف ليهو سكة غِنا وقروش بجي لي زول بقول ليهو تعال أغنيك معاي ؟! لم توصل للإجابة حتلاقي اجابة لي سؤالك حق هل هي موثوقة دا، عندك قروش عايز تخاطر بيها جازف، غير كدا صراحة انا شخصياً ما أنصحك.

4.9K viewsابو رأفت🖤, 04:20

زول سوداني 🇸🇩☻

في جماعة كدا محددين هدفهم، كلامهم ونستهم تعليقاتهم بوستاتهم حاجاتهم كلها عن العرس، تلقا معلق في بوست عن التغيير المناخي يقول ليك العرس، يلقى بوست عن سعر الدولار بشوف تأثيره على العرس، اي حاجة بدخل ليك فيها العرس وتأثير باقي الحاجات عليهو، ناس بتتنفس وتستنشق سيرة العرس، بقيسو اي حاجة بمقياس العرسوميتر الماشين بيهو دا.

5.0K viewsابو رأفت🖤, 05:35

زول سوداني 🇸🇩☻

في دولتنا الجديدة حا نعمل ليكم ان شاء الله يوم وطني بمواصفات خاصة وفعاليات ودام عزك يا وطن وكدا، عشان النقة بتاعتكم دي ما تكتر وتشاركو كلكم زي الحاجة النفسكم فيها، وحيكون ان شاء الله في ذكرى موت آخر جنجويدي دا يكون اليوم الوطني حقنا، لكن المشكلة انه اللون الثيم الاحتفالي يكون شنو ؟!

4.9K viewsابو رأفت🖤, 05:34

زول سوداني 🇸🇩☻

صباح الخير :

صحيت من النوم عاينت لي في المراية ما عرفتني
ابص لروحي فجأة لقيتني كبرت فجأة تعبت من المفاجأة ونزلت دمعتي

الشي ال نحن ما ملاحظين ليو سنتين من الحرب خلتنا نكبر سنين كتيرة والله وبقينا في حته تانية خالص وتصرفاتنا كلها بقت غريبة بقي الصداع ملازم كل الشعب بس حامدين وصابرين وراجين وما ح يجي يوم ننعي السودان بإذن الله ح نرجع ليو وهو يرجع لينا .

الصبر والله ح تفرج .

5.4K viewsابو رأفت🖤, edited 06:23

زول سوداني 🇸🇩☻

لو عندك قروش في البنك اشتري دهب، اما لو انت ما فطرت اساسا ما تقرا باقي البوست، خفض الاحتياطي الفدرالي الأميركي معدلات الفائدة بواقع 50 نقطة أساس إلى نطاق بين 4.75% و5% يُمثل خطوة مهمة نحو إنهاء دورة التشديد النقدي التي بدأت منذ مارس 2022 هذا القرار من شأنه أن يؤثر بشكل كبير على الاقتصادات العالمية، خاصة الدول التي تربط عملاتها بالدولار الأميركي مثل الدول الخليجية، الإمارات، قطر، البحرين، الكويت، والسعودية كمان ان ايضاً هذه الدول اتخذت قرارات مشابهة بخفض الفائدة للحفاظ على استقرار عملاتها.

4.9K viewsابو رأفت🖤, 07:58

زول سوداني 🇸🇩☻

انتو فلانه الله يسفرا والله يدخل فلانة طب وفلان الله يعرس ليهو دي ترند جديد ولا حاجة شغالة ومجربة عشان نكتب معاكم، كمان ما تبقى علينا زي الرسالة بتاعت ان لم ترسلها فاعلم ان الشيطان قد منعك ديك، اساسا انا حاسس سبب تجاهلنا ليها هو المعكسا على جيلنا دا.

5.8K viewsابو رأفت🖤, 19:20