ياگلبي بتراب الــضـعن.. يممـــتك انـه
لحسين اقم فرض العشگ.. واســمع اذانه
بتكبيرة ادمـــــوع الجرح .. يصدح حنانه
ولو نبچي الـــــف عام .. دمع تطلبنه الاخيام
بدهاليــــــــز الضـــــــياع وطلعونا
حسين انخدمه ونطيع ... لا نتعــــافه ونضيع
تعــــــــرض للســـــلب بـــس دللانا
والضعن سوالك درب... لتميل عنه وتنغلب
♡♡♡♡♡♡♡♡♡♡♡♡♡♡♡♡♡
عينه الرحــيمه اتباوعـك ... انضف يگلـــبي
درب الصدگ من خنصره ... الخطالي دربي
الخدمه سفـــــينة رحمته ... شكـــــراً يربي
اخدم وانه ممنون ... حياتي دمعة اضعون
نامو بالشمـــــــــــــس واطوني افياي
يا حنية الاحسين ... الي فاتحلي چفين
تارسني حنـانه ودومــــــــــــــه ويـاي
بلكت امن اجزع واحترگ ... انكتب خادم من صدگ
♡♡♡♡♡♡♡♡♡♡♡♡♡♡♡♡
خلها تنضرلك فاطمه.. عوف التصاوير
شما تصعد اتواضع بعد.. وابقى الهم ازغير
عد فاطمه الخادم ملك.. جا بعد شتصير
بطريق الفطره خليك... اي يا گلبي اوصيك
درب عبود غفله ودرب ياسين
وبدرب الانا الطاح... راح ادراج الارياح
ضيع روحه هذا وضيع الدين
واتبع يگلبي هل ضعن. هلبت ذنـــوبك ينمحن
♡♡♡♡♡♡♡♡♡♡♡♡♡♡♡♡♡♡♡♡♡
انطاني كلشــــــي هل ضعن ... شنهي الاريده
والي يضد لطـــــم الجـــزع ... روحــه بعــيده
احسين الچبير اش يختصر... جرحه بقصيده
اعله گد الحال الاقلام... تكتب عن الاخيام
شما نكتب يضـل الفكــــر قاصر
يا شعر ودواوين ... توصف هل صواوين
الحقيقه الما دركــــــــــها الف شاعر
يا شاعر يوصف الألم و بخلگه محترگه الخيم
♡♡♡♡♡♡♡♡♡♡♡♡♡♡♡♡♡
حگي اهيــــم بغـربته .. وبجرحه اسافر
ويرسملي ارماد الخيم .. كسر الخواطر
وبمجلسه سري اندفــن.. يم المـــــــنابر
شما دگ الصدر حيل ... ما اوصل ثگل خيل
وعزيز امه انطبگ صدره اعله الاتراب
لو دم تجري هل عين... مقصر ويه الاحسين
بقى مسلب ونه املبـــــــــسني اثياب
والعاش وجعة كربله ما خاب من يلجأ اله
♡♡♡♡♡♡♡♡♡♡♡♡♡♡♡♡♡♡
#رائد البزوني