سلامٌ على الطيبين الذين إذا كانوا بيننا مروا خِفافاً ولم يثقلوا، وإن رحلوا غابوا ثِقالاً وخلّفوا فراغاً لا يسده أحد من بعډهم😔
_تاسست 2018/11/29
_اي استفسار او سؤال المراسله عبر البوت👇👇
_اقسى انواع الضياع من يضيع گلبك بينك وبين واحد ما يعرف قيمته ، لا هو لك ولا هو له ! هنا راح تدرك ببساطة ان اللي ما يضيِّع گلبك من تروحله هو #الله فقط ...
واللي يباوع بعين گلبه يشوف الضياع اكثر من الوجدان ، السبب ببساطة لأن عايف جنة الله ورايح يدور على ضبع بالصحراء !
_قمة الجبن ان يهرب الرجل من لقاء عدوه خوفا من تبدل قناعاته .. 🔰خاف التقي بيه واكتشف اني كنت متوهم بعداوتي له ! 🔰 خاف التقي بيه واكتشف انه على حق واني طوال هاي الفترة اسقط بيه
_اسوء حزن هو ان تحزن على شي تتوقعه ما يصير وانت متوهم بحزنك !!
مثل شنو ؟! ان يكون عند الانسان ذنب ويعتقد ما يگدر يعالجه !! هنا يجتمع الحزن والوهم وهذا بحد ذاته إنكسار 🔰 بينما اجمل فرحة هي فرحة الخلاص من الخوف والانتصار عليه !!
مثل شنو : التخلص كليا من ذنب كان الانسان يطيح بيه اكثر من مرة !
_المؤمن الحقيقي يتعامل وي اخوته بحسن الظن لا يتصيد زلاتهم ويفرح بعثراتهم ، مثل الصيَّاد اللي يفرح بالطير اذا طاح بالشباك ...
المؤمن ما يفرح بزلة اخوه ، اللي يفرح ما عنده دين ، واللي يتعامل وي اخوته بسوء الظن ما عنده مروءة ولا دين ، يگول الإمام علي (عليه السلام) : ( آفةُ الدينِ سوءُ الظنِّ) .