قناة الشاعره ام صادق المنصوري في رثاء اهل البيت والعتره الطاهره ع

ا.لطميه لمولاتنا ام البنين سلام الله عليها....

وزن المثلث

ودعتهم شمعه لتفارك ضواها
فاركتهم نجمه وتودع سماها
ظلمه ليلي ابلا ضوه
من سره الظعن وهوه
ودعتهم ودعتهم

••<<<♡{{{🟢}}}♡>>>•••
ودعتكم يا اولادي نور العيون
وانه بُعد حسين والله اعليه ميهون
ساعه و اتخيلكم انه لن ترجعون
يمه مااحمل بعد يمته تردون
ليه ردو يالولد
انه مااحمل بعد
ودعتهم ودعتهم
.
.
✍ام زينب الساعدي
••<<<♡{{{🟢}}}♡>>>•••

عيني تنظركم تجوني ساعة غروب
ردو ليه بعد مااوجدها الدروب
احسب اللحظات ليكم يمه جم دوب
لمن اتذكركم انه روحي تذوب
غيابكم مااحمله
يمته اكولن ياهله
ودعتهم ودعتهم

ام ✍علي البابلي
••<<<♡{{{🟢}}}♡>>>•••


تبجي عيني ليهم المدمع. تسيله

اتون عليهم روحي و الونه ثجيله

اصرخ بالآهات ياويلي ونحيله

بلكت ايعودون. الي والهل عليله

ليكم انه انتظر
هم تجون من السفر

ودعتهم ودعتهم

✍زهره.الكناني
••<<<♡{{{🟢}}}♡>>>•••


ردت شوفتکم ییمه كبل لااموت
صحت ردو يلولد و بعالي الصوت
ريت كون اولادي شيالة التابوت
كون همه يهوسوله لمن يفوت

اگطعت یبنی الضنون
أدري ليه ماتجون

ودعتهم ودعتهم

✍ #علويه ام فاضل


••<<<♡{{{🟢}}}♡>>>•••

انه ام عباس أنه ام الاولاد
كمت اتمنه اشوف ابني الوراد
راح وي أخته حمايه اوبعد ماعاد
انه وصيته ابخدرها بت الامجاد
ردت بس طبته علي
مااريدن منه شي
ودعتهم ودعتهم
بقلم العلويه ام عمار ✍🏻

••<<<♡{{{🟢}}}♡>>>•••
انه ردت الولد لمه يصير دفان
ضيعيت الولد وسفه عالي الشان
نام ابني اعله الوطيه وسكن تربان
امه عايفها وحيده ابكلب خلصان
انه ابجي محيره
وليهم ابقه مناطره
ودعتهم ودعتهم
✍ ام صادق المنصوري

••<<<♡{{{🟢}}}♡>>>•••


تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
7 جمادي الثاني 1442هـــ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻


https://t.center/HOWEIY

أشـترك بالقناة عبر الرابط اعلاه