جهاد القوافي

البدايه من / #ابو_حسين_الراعي

يا معشر الشّعّار وين الشاعر
ذي يغرق الساحه بفيض الاشعار

نار المشاعر في حشانا ثاير
عاطش ومتشوِّق لصوت الثوّار

سلمان كافر وابن زايد كافر
هل بانكفِّر سيّئات الكفّار ؟!

#شاعر_النجد_الاحمر

مابانكفِّر ذنبهم يالشاعر
لو يكثروا التسبيح والإستغفار

عدوانهم عدوان غاشم سافر
واجرامهم وحشي جديد الاصدار

بايطعموا منّا الجزاء للآخر
مادام واحنا مجاهدين ا.وأحرار

#نجم_القوافي_يوسف_النزيلي

يامرحبا بك ياالاديب النادر
يامن هجوسك هز عرش الفّْجار

انشهد انك في زمنا الحاضر
اصبحت الاول بين كل الشّعار

فّعلت شعرك في سبيل القادر
وانهيت ب ابياتك فلول الاشرار

خليت جيش الداشر ابن الداشر
لاقد سمع شعرك تفكفك وانهار

#ابو_فيصل_الوادعي

حيا بقافك ذي يريح الخاطر
يا الشاعر اللي ما تهاب الاخطار

عاد النشاما مثل ما انته خابر
محال تتراجع وتنسى ما صار

في جبهة الشعار كمّن شاعر
صامد ومتحدي تحالف لاشرار

ابيات شِعره مثل بدر وفاطر
آشد وانكى من هجوم الطيار

سلام والّا حرب دايم حاضر
كمِّن صميدع ما يولوا لادبار

#الشيخ_يعقوب_الحصامي

الشعر في كل المواقف حاضر
امواج في بحر العزوم الابحار.

ما نأمن الحلف الجبان الماكر
الكل جاهز في تحدّي الاخطار.

لو يخرقوا الهدنة انطلقنا باكر
ويل الذي معنا يلاعب بالنار.

نعلمة الدرس اليماني العاشر
اعصارنا منه يولوا الادبار.

#ابو_صالح_الدغسي

دام الوصي قدم دماه الطاهر
لجل العداله واستماء بالكرار

نمشي بنهجه كل منا ساير
هيهات نخظع للمذله والعار

سلمان ولى والعميل الفاجر
والكفر اصبح من جذوره منهار

#الياس_المقدشي

نمضي على درب الرسول الطاهر
ومنهجية آل طه الاطهار

والله لجنود الهدايه ناصر
وعونه الغيبي حليف الانصار

يالله انا سالك بسورة غافر
تغفر ذنوبي يا صمد يا غفّار

#ابوحاشد_معمر_ابوسعيد

من طيبة الاشعار عند الشاعر
اتفصح الهرج المباشر أشعار

فرقت فالميدان جيش الكافر
امثال موسى عند فرق الابحار

وبيرق النصر اليماني حاضر
ويل التحالف من جيوش الانصار

وساحة الشعر المنير العاصر
اخوضها عند التنافس اغمار

#روابي_السعيده

شعري سحايب وسط يومٍ ماطر
لا زمجر الصاعق تهل الامطار

الهدنة الي كسرت للخاطر
ماعاد لنا بالشعر فيها زمجار

الخيط الابيض صار ماهو ظاهر
واصبح سواد الليل يعمي الانظار

#نادية_السقطي

‏من جبهة الشّعار واعظم كادر
كل القوافي كالحمم تشعل نار

فالدم في كل الشـرايين فاير
على سعـــود وال زايد قد ثار

باننهي الكفـار بقدرررررة قادر
بالشعر والكلمه وجيش الانصار

#اخت_شهداء_البكالي

ثائر وطول العمر دمي ثائر
ماشي على خط النبي والكرار

والنار في صدري حممها طاير
ماتعرف الرحمه بحلف الفجار

سلمان وابنه وابن زايد كافر
لابد مانصلي ابتهم بالنار

#ابو_فتح_الاشول

يا هاجسي بالله ربي هاجر
وإصعد على جو الفلك والأقمار

ما دام تطبيع الممالك ظاهر
هات العذاب اللي يزيغ الابصار

اشعل نيار القاصف المتواتر
وإختار وقت الناسفه والإعصار

#ابو_صالح_العملسي

اهل التحالف والعميل العاهر
زاد البطر والكبر حد المعيار

قلنا لهم من قبل خاسر خاسر
واليوم اصبح في بلاده منهار

وهو مع امريكا العدو الداشر
واحنا تمسكنا بحبل الجبار

#ابو_اسلام_الحداء

الشاعر المطلوب عاده قاصر
أو عادهو ماقد خلق أو قد طار

لاكن جهدي يا صديقي الماهر
اكوي التحالف وسط عينه بالنار

بلغ ولد سلمان وابوه الفاجر
واولاد زايد عابدين الأشرار

انا لهم وقت العشي والباكر
ببندق السيد وسيف الكرار

#ابو_نوح_مطهر

يا صاحبي جيتك وأنته بادر
تقود حملة من جيوش الأحرار

نسحق جيوش الكفر كافر كافر
ونطهر الكعبة وكل الأقطار

الدم في مجرى عروقي ثاير
والغيض يشتد منتظر للإشّار

با أصوب الطلقة برأس الداشر
وغيضها من فيض غيضي سعّار

الطيش في مجرى رصاصي نادر
كم طعفرت أمشاش عبيد الإيجار

يا آل زايد لا تحاول خاسر
عُمر اليماني ما خضع أو يحتار

#ابو_هاشم

‏حياالمحنك والاديب الشاعر
شاعرمميزفي الادب لك تذكار

بكل المواقع والمعارك حاضر
والفضل لله ذي خلقناالأنصار

#ابو_عقيل_الدهمي

يا مرحبا يا كل نشمي ساير
في درب آل المصطفى والاطهار

يابو حسين الوضع قدهو سابر
ماعاد باقي للعدو الا إنذار

إن وقفوا او بايرون الغابر
وسط الرياض العاصمه والإعصار

#دهم_السالمي

لبيك من اعماقي والمشاعر
يابو حسين يالشاعر المغوار

مايطفي لهيب حشانا غير قاهر
وقاصف تو وصماد وذو الفقار

والعدو يختار مايختار هو خاسر
مادام وحنا مع الملك الجبار

#ابوعامر_قصان

الايمان سلاحي ضد المنافق الفاجر
ومونة بندقي هاجسي والاشعار

والمصحف جعبتي وين مااسافر
وكلماته في وجه العدو كالنار

والقران فوق الاعدا قاهر
والنصر للاسلام هو والانصار

#روح_الله_الهتار

الهاجس اقبل بصوته جاهر
ينادي بقيفانه كل الشعار

شاركونا بالشعرياكم من شاعر
لجل نغيض به قلوب الكفار

الكافر بايضل عمر امه كافر
وماباتفيده نصايح الأحرار

https://link.medium.com/AdRXcTUf0bb
#مجاراة بمناسبة عودة 300 من المغرر بهم والمخدوعين الى حضن الوطن

البدايه مع / #ابو_مياس_الراعي

من عاد لا حضن الوطن حيا به
يشتد بافعال النشاما والصوت

ومن تخلّف شَلّه الله جابه
يحسب حسابه مامعاه الا الموت

عز القبيلي موطنه واصحابه
والمرتزق بالذل عمره مبخوت

#أبوأحمد_الشظبي

حيا بمن جانا وحيا أشنابه
ذي طلق الحلف اللعين الممقوت

رغم انف بن سلمان وانف اذنابه
غادر مواقع بن سعود الهلفوت

واللي مكانه ما رجع لصوابه
ماله سوى رجعة بوسط التابوت

#ابو_عاصم_الرقيمي

من عاد لا حضن الوطن حيا به
ترحيب من شرق اليمن لا بيروت

يلقا عياله واخوته وانسابه
ويشتغل قآته ويفتح حانوت

يصرخ بوجه الطاغيه واذنابه
يصرخ ويتبراء وهو عيجي موت

#محمد_حزام_متاش

واحنا نقول يامرحبا حيا به
دامه رجع قبل الاوان مابيفوت

كم من منافق ماعرف لصوابه
لا عد يجينا بعد ماهو ممقوت

اما يعود قبل الوصول لابابه
ولا نعشيه من حميم الباروت

#عبدالله_الموشكي

هاذا الوطن حـق الجميع ابوابه
مانتركه هـو للجسد مثل الكوت

اهـــــــــم حاجه مانخـون ترابه
توبو الئ الله مثلما تاب الحوت

ماحـــــــد يفلت جلدته وانسابه
من اجل غازي لا تغيرش الروت

#ابوالليث_الحسني

العز لاهل المرجله واحبابه
ومن رضى بالذل عمره هلفوت

اهل اليمن دايم اسود الغابه
للمرجله شب النكف شب الصوت

مايخضعو لسلمان هو وكلابه
ولا تولوا حلف سارق مشتوت

#ابو_ذياب_العميسي

قل للعميل ماذاجرى لاصحابه
مبنى ذمارشاهد بيوم الباروت

يوم كسرالـــطياركل. انيابــه
هذا عقوبه من تولى الطاغوت

ومن رجع ذلحـين يــاحيــابـــه
مرحب يهز القاهره لابيروت

#ابو_فتح_الاشول

واللي يقاتل عزوته واصحابه
و في صفوف الغزو مثل الريموت

يلقى من ايدينا أشد عذابه
وبعدها ما عاد يسمع له صوت

حضن الوطن ها قد فتحنا بابه
والحُريه والعز وسطه منحوت

#ابو_عمار_واصل

عيش المذله ماحداء يرضى به
عيشه بعز لو ماء يجد حتى القوت

ياحرب بالمدفع وبالدبابه
ولا نبقي في بلادي سربوت

جيش اليمن كل الدول تهتابه
هو جيش من احفاد قاتل جالوت

#الشاعرابورحال_الجبوبي

يرحب على عيني وحيا الله به
منــهو اراد العــز قــناله فــوت

دار الكــرامــه مــاقفــلنا بــابــه
اتفضلو لنــتو تــركتو الحانتوت

ماشــي بغمــنا عــدهــا شــبابه
تربــي العاصي تليــن الهلفوت

#ابو_معارك_مجلي

حيا الله الي عاد من مغرابه
يشرب كؤوس العز من بطن الحوت

ومن دق باب الناس دقو بابه
ويشوف ماكانت نهاية جالوت

#ابوعاصم_الجبلي

ذيي بايعود يسرع يفك ارتابه
ويطلق الصرخه ويرفع للصوت

ومن رفض لابد يكسر نابه
ويضيّع اللي في جيوبه والكوت

ذي باع عرضه لليهود واذنابه
يعيش في ذله. ويبقى مبهوت

#رسلان_المعدني

اهــلآ بـمن قـد عــاد بــين أصـحابه
يــامـرحـبا تـملآ عـدن لابــيـروت

اهــلآ بمن جا للــقدر مـن بـابـه
مرحب عدد وزن الذهب والياقوت

#صفوأن_عبده_الجابري

حسن الكرم والطيب ذي يحضأ به
اسم الوفأ والصدق فينأ منحوت

لاجل الوطن ينعم بقرب احبابه
هيأ نلم الشمل وماراح الاالفوت

#ابوهاشم

‌‎تبصم لةالابهام والسبابة
قائدمسيرتناالعلم والمحبوب

ياحصن مفتاح العرب وابوابة
قائدمحنك بالسماحةمنسوب

والعفوعندةغايتةواعجابة
يامن ذهبتوفي الطريق المغضوب

#ابوسهل

‌‎ما يضرب الهاون مع الدبابه
يامرحبا بالفوت من بعد الأوت

بالعايد اللي للوطن قد عابه
وفوت الغازي الى عقره فوت

#ابو_مران

حضن الوطن مفتوح دوم ابوابه
ماحد من الزلات والعيبه يفوت

والجيد لا اخطى واعترف حيابه
منا وفينا والكرامه ماتموت

من عاد يرحب والوطن اولى به
ومن تخلف كالحذا وسط الخبوت

#روابي

دام الوطن شامخ وفاتح بابه
حرام يبقى من يودف للموت

حيا الرجال الصادقة التوابة
الرافضة تحيا بحضن الطاغوت

الجيش في مارب على اعتابه
داخل اليها مثل دخلت طالوت

كموم فوق الشلة الكذابة
حق التحالف ما نفلت هلفوت

#ابو_علي_القاسمي

من عـــــــاد لارضه مرحبا حيا به
يرحب تراحيب المطر هو والصوت

ذي عــــاد قـبــل العـــفو يغُـلق بابه
فلت عبـــيد الــمــال كــمن سربوت

#سند_الصوفي

من عاد لارشـــده وعاد لصوابه
وفك حـلف الشر ذي له ريموت

حيّآه وحــــــــــيآ نفسه التوابه
والله يتقـــــــــبل توابه وقنوت

وانه طلع جاسوس وخآن ترآبه
يموت بالبـــاروت ومالها تابوت

#حازم_القبلي_ابوبدر

هاذا الوطن مفتوح كل ابوابه
من بايعود من جند حلف اطاغوت

حياملان ارض اليمن واشعابه
ها ذه ثقا فتنا نقوله بصوت

و ذي يعاند ولا عرف صوابه
و قد تعصا بايشم الباروت

#ابو_مالك_جحيش

احنا الرجاجيل التي حرابه
ذي تعشق الزيتي وشم الباروت

ياشوقنا يوم نضغط السبابه
يوم نسكن المحتل وسط التابوت

ابن اليمن قد اعجز الكتابه
مايتزن باللول او بالياقوت

#برفان_الصمود

من عاد لرشده يحتزم باصحابه
والمعترض بيظل رأية ممقوت

يا مرحبا صنعاء تضم جنا به
عودو سريع العفو قانون موقوت

مجاراة الامس.. الموضوع ((الاسيره سميره مارش))

البدايه مع / #ابو_مياس_الراعي

ويش عاد باقي يالاسد والطاهش
يا قوم تؤمن بالنبي و الفتّاح

من بعد ما باعوا سميره مارش
للمملكه انذال حزب الاصلاح

#محمد_خصروف

باقي رصاص الموت للي فارش
للمملكه بيته وجاب المفتاح

سلملها عرضه واصبح شاوش
فالباب يحرس من لعرضه قد باح

ابو ذياب العميسي

اهل الدقون داعش والاصلاح داعش
همَّ البلاوي والاساء والاجراح

يابنت مارش لعنبو من باعش
لاعند كم من نذل ضالم سفاح

#ابو_هاشم

‌‎يابنت مارش باتطيب اخبارش
من قوم شعبي قابضين الارواح

نجتث عرش المملكةذي طايش
الوعدقادم يادواعش صرواح

#روابي_السعيده ام المجاهدين

‌‎الثار فوق اللي يربوا داعش
ثار الصقور الي تمد الاجناح

ما تنفذي يالمهلكة بازلامش
با نعدمش والكل منش يرتاح

#محمد_حزام_متاش

من كان متربي في احضان داعش
لاتحسب انه فيه خير او اصلاح

يامملكه لابد قطع اذراعش
ولا فلا انا من سلالة الاقحاح

باعوا اسير الحرب واليوم باعش
يابنت مارش لليهود الاصلاح

وايش بعد هذا العار بان خداعش
ياشلة الماسونيه والمسراح

#ناديه_السقطي

‌‎ماعاد باقي غير ننهي داعش
فزعة غضب تنهي الالم والاجراح

ننقذ سميره من يدين الفاحش
نقطع يدينه من تعدا الاقحاح

#ابو_حرب

‌‎ملعون يا الغاليه من قد باعش
والا رضاء في فعل قوم السفاح

كل الوجع بالروح من اوجاعش
عليه العار. من مــوقفش مرتاح

واقل ياسعوديه ولمن قد طاعش
انش حقيره طبعاً ياسلالة مقباح

شوفي سميره مقابل ظفرها ارباعش
وان ما تحركنا فمعناها كما طفاح

#تهاني_الشريف

وين النشاما سم الاعداء داعش
وين الحميه والشرف والاقحاح

والله يامن باع إبنت مارش
ما باتموت إلَّا وصوتك نوآح

#ابو_علي_القاسمي

يامـارب التاريخ اين احرارش
ايني جهم اينم قبايل صرواح

المرتزق قـد باح حرمة دارش
باع الاسيرة للسعودي السفاح

#بدوي_يريس

ياحيف من فعل الجبان العاطش
اهل الفساله من يسمى الاصلاح

قد باع ارضه مثل بنت المارش
اصبح كم البيدق مجرد مفتاح

#ابو_نبراس_العويري

يخسوو اذي باعو سميرة مارش
من اجل امريكا كلاباً نباح

ودامك بسفك الدم عادك عايش
نلحقك لو في البحر نسبح سباح

#عهد_الوفاء_باقي

يامملكة نجد أسمعي من جارش
كثر المظالم ما تزيد الأرباح

ما أمسى بجارش بايصبح دارش
العار غالي قل لحزب الأوساخ

عهدآ علينا يا سميرة ماااارش
نفك أسرش من كلاب الإصلاح

#نبيــل_أبوأصيل_الريامي

شبو النكف نسحق بقايا داعش
تصعيد ناري يالرجال الأقحاح

العــار ياكــمن أســد متناهش
ننهش جيوش المعتدي السفاح

واللــه مانسكت على أعــمالش
ياشلة امريكا أتــيــنا نــجــتاح

#ريهام_البهشلي

ليش السكوت ياناهيين الفاحش
ياكل نشمي قم تحرك واجتاح

مادام والعدوا تمادى بداعش
بانوصله سعما وصلنا صرواح

#ابو_رمزي_الحمزي

اليوم هذا الطقم مآرب كارش
يوصل يزلزل حلف حزب الأوساخ

باعوا الكريمه هي سميرة مارش
أكبر جريمه فعلوها الإصلاح

ماقد عمل مثله ايه طايش
ولا رضي مثله ببيع الأرواح

واليوم وش باقي معك يا طامش
بعت الكرامة لجل تكسب ارباح

من بعد هذه والقسم يا داعش
لابد من دعسك وشعبي مرتاح

#نصر_الله_المهدي

هذه رساله واضحه للحافش
والجالسين ما يفهمو للسفاح

لا ما فهم هذا العدو الغابش
هذا يهودي داعشي قم يا صاح

#الهمداني_ابو_همدان

وآقول ياحلف البلاء ويش جابش
قد طاح عرش الفرعنه والاصلاح

ماعاد من هو في الزمان ذا طايش
نور الهدى لا ايامنا كالمصباح

#الشاعر_رايد_الخمري

لازم نهب اليوم مثل الداهـش
نحمي شرفنا والنصر له مفتاح

العار عار الكل نــــلـــعـن دارش
يامملكة بيع الحوم المـــــزاح

#عبد_القادر_داود ابو هتلر

يا أماه سميره ها وكيف اخبارش
وايش الخبر قالو قد انتي مرتاح

قد كل شي عندش يصل لا دارش
ها الف مبرووك لش تدوم الأفراح

باعوش عيال الكلب سعليش مالش
با تدخلي الجنه معي لش مفتاح

دقي ابو زوجش بخنجر جارش
واحمي الكرامه من يدين السفاح

يا كل بنتٍ في اليمن كيف حالش
خوفي عليش يا بنت من هذا الآح

لو ما انطلقنا لاجل نحمي عارش
بكره تفكي في الرياض المسراح

اقسم براسش يا سميرة مارش
إن الذي باعش رجل فتال صاح

#ايهم_عبداللطيف

‌‎يالمملكة بانقلعش من ساسش
بقوة الجبار ندقش قراح

من خُشم قناصه نطعفر راسش
بركان يطرَّح قصورش طراح

يا أرض بلقيس لعن ابو من باعش
المرتزق بالرخص باع وراح

يا ويلهم منش وشدة باسش
يا أرض الإيمان نفديش بالأرواح