جهاد القوافي

الاحداث تتكفّل بفضح المنافقين
والايام باستكشاف لك معدن الرجال

كفرنا بأمريكا وشيطانها اللّعين
بصرخة #حسين_العصر ذي هزّت الجبال

ودسنا على اسرائيل وانف المطبّعين
حسمنا نهايتها بصرخه إلى الزوال

وبان النفاق العالمي في المطبلين
الاعراب ذي تدعسهم امريك بالنعال

صرخنا وقالوا ليش نصرخ ويا عوين
جنيتم على انفسكم بالاسهم وبالنبال

وقالوا لنا نسكت ومحنا بساكتين
صدقنا مع ربي بالاقوال والفعال

صرخت انت واحنا بعد يا سيّدي حسين
صنعنا لاعداء الله بالصرخه النكال

كشفت الحقايق في زمان المضللين
وكسّرت خشم المستحيلات والمحال

وذي حاولوا اسكاتك وولّوك مدبرين
وشنّوا عليك اللايمه وافرطوا الجدال

شرد كل واحد منّهم وانتمى لدين
يهود المدينه والنصارى من اجل مال

وحنّا على مبداك يحسين ثابتين
صمدنا وسطّرنا بروحيّتك مثال

الا ياالمجاهد في سبيل الله المعين
سلامي عليك ازكيه من هاجسي زلال

ويا كل واحد منتمي للمحايدين
نصيحه تحدد موقفك ساعة النزال

تبنّى الحقيقه واقطع الشك باليقين
وقل للحياد الله دعاني إلى القتال

سلاحي هيَ الصرخه وهيْ موقفي المبين
على اعداء ربي فعلها سبب انذهال

ومضمونها باتعرفونه مع السنين
إذا جاء وعد الله بايحدث الخيال
.
‎#ذكرى_الصرخة_في_وجه_المستكبرين
‎#الشعار_سلاح_وموقف
‎#ابو_حسين_الراعي
Https://t.center/AbohosenALraey