اللهـم صـل على محمـد وال محمـد
قصيـده ثكيلـه للعليلـه عليها السلام
✶∶∶∶∶✶ ـ•✦□✦ ـ•✶∶∶∶∶✶
ودعـوني بالليــل// ودعـوني باللـيـل
حسين ابويـه والكمـر ودعوني بالليل
✶∶∶∶∶✶ ـ•✦□✦ ـ•✶∶∶∶∶✶
ودعني ابويـه حسين أوسكنه ورقيه
وصه الحنينــه ام الكمر هليوم بيــــه
وياها من يحچي أبحزن ويصد عليـه
ويكلها أمانــــه أبنيتي حفظيها ليـــه
لتحمــل أتشيــل // لتحمــل أتشيـل
يبني أخـاف امنلغــدر لتحمل اتشيل
✶∶∶∶∶✶ ـ•✦□✦ ـ•✶∶∶∶∶✶
ودعـوها هليلـــه الآهـــل ويفاركـوها
مـن حملـــو كـــل الآهــل ماحملــوها
واعـدها أبـوها وي علي عمها يجوها
ماتدري بالصار وحدث ليش أتركوها
أتـهــدم الحيــل // أتـهـدم الحيــل
من سار أبـوها بالضعن أتهدم الحيل
✶∶∶∶∶✶ ـ•✦□✦ ـ•✶∶∶∶∶✶
سهرانه بدموعي أظل ما يبطل ابچاي
معقـولـــــه أبـال الـولي ماجتي ذكراي
دنـياي صـارت بالعكـس ممــشاه وياي
مـن الصغــر وتيتمـت لـوعتـني دنيـاي
چاويـن الكفيـل // چاويـن الكفـيل
عمي وخويه والولي چاوين الكفيل
✶∶∶∶∶✶ ـ•✦□✦ ـ•✶∶∶∶∶✶
أكـتب رسالــــه بالعتـب والدمع هالي
طفلــه وعليلـه يلعفت شوف الجرالي
مـــرة مٱسي كربلـــه صـوره أبخيـالي
وانـظـر وعايـن عالثـــره جثـت الغالي
يانــار الـدليـــل // يانـار الدليــــل
والراس مرفوع أبرمح يانار الدليل
✶∶∶∶∶✶ ـ•✦□✦ ـ•✶∶∶∶∶✶
بخيالي مرت عمـتـي تجـمـــع باليتام
والـنار شبـت بالخيـــم حركتـها ظلام
ما حسبـت برقيـتي أتمــوت بالشــام
اتـمنـى لبـالي جـــره ياريتـــــه أوهـام
من داسته الخيل // من داسته الخيل
ضهره تهشم والصدر من داسته الخيل
✶∶∶∶∶✶ ـ•✦□✦ ـ•✶∶∶∶∶✶
تمـت بعـون اللــــه تـعـالى (*◇*)
✍بقلـم خادمة أهل البيت ((ع))
الملا والشاعره ام زينب الواسطي
نـسـألكــــم الــدعـــاء ***((
🤲))
بتعجيل الفرج لصاحب الزمان (عج)
غير مبـري الـذمـه مـن يحـذف أسم
الشـاعــره ويــنـسب الـكــــلام لـــــه
https://t.me/joinchat/AAAAAFVSvcvJa-4fEoM3kQ