📋 Oʻzbekiston Respublikasi Sport vaziri Adham Ikramov, O‘FA birinchi vitse-prezidenti Ravshan Irmatov va O‘FA birinchi vitse-prezidenti Odil Ahmedov boshchiligidagi ishchi guruh Toshkent viloyati Yuqori Chirchiq tumanida joylashgan Milliy futbol markazidagi qurilish ishlari bilan tanishdi. Ma’lumki, markaz zamonaviy mehmonxona, futbol mutaxassislarini tayyorlash va ilmiy-tadqiqot markazi, Milliy terma jamoalar uchun tayyorgarlik bazasi, Respublika futbol akademiyasi, Sport tibbiyoti va reabilitatsiya markazlarini o‘z ichiga oladi. Ishchi guruh qurilish obyektlar bilan yaqindan tanishib, inshootlarni zamon talablariga mos ravishda jihozlash, sifatli qurilish materiallaridan foydalanish, shuningdek, xalqaro talablarga javob beradigan sport sharoitlarni tashkil etish boʻyicha topshiriqlar berildi. Mas’ul tashkilot vakillari hamda mutasaddilariga futbol infrastrukturasidan kelib chiqqan holda tegishli yo‘nalishlarda takliflar berildi va kelgusi rejalar muhokama qilindi. ⚡️ https://t.center/FAUzbekistan