- خلاص يا ولدي.... طيب متين حا تمشي القريه - ان شاء الله بعد بكره بمشي وربنا يسهلها - ربنا يوفقك يا ولدي وتلقى بت الحلال التسعدك وتسعدها يارب تغلبها بالمال وتغلبك بالعيال يارب - امين يا امي دعواتكم دي زاتها هي الموفقاني في حياتي رينا يخليكم لي❤️ ( وبعدها كل زول فيهم قام مشى على شغلتو) _____ ~في مكان تاني~ (قاعد مع ابوهو وبيتناقش معاهو في موضوع بس الأب رافض رفض تام في الموضوع) + يا ابوي انت ما تسبق الحوادث يمكن لو مشينا وطلبنا يدها يوافق ابوها . يا ولدي انا ما سبقت الحوادث لكن انا بقول ليك حاجه بالعقل كدا ما بتحصل + ولي ما تحصل يا ابوي بإذن الله بتحصل - يا عبدالله سعاد دي بت حسن الوحيده ولو افترضنا حا يعرس ليها لو ما عرس ليها واحد عندو مكانه وقروش وحسب ونسب ما حا يعرس ليها واحد ابوهو يشتغل عندو مزارع عشان كذا يا ولدي طلع الفكره دي من راسك وبعدين لو مشينا غير ما نحرج نفسنا ما حا نسوي حاجه + تمام يا ابوي ( وقام مشى من عندو ورقد في سريرو في الحوش وقعد يفكر) _____ ياربي عبدالله بيفكر في شنو؟؟ وحا يسوي شنو؟ وهل حا يعرس سعاد ولا لا وحسن حا يقبل بيهو؟؟ وفتحي دا منو ودورو في القصه شنو *•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *♡عـــــــــــــــــبـــــــــــــــد البـــــــــــــاقــي أحــــــــــــمــد مـحــــــــــمد زين ♡* ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​