Kopirayter kim? Assalomu alaykum, men Shahnoza Saidzoda kopirayterman. Bugun siz bilan kopirayterlik qanday soha ekanligi haqida gaplashamiz. Bilmaganlar uchun yangilik, bilganlar uchun qoʻshimcha maʼlumot boʻladi. Kopirayter bu matnlar bilan ishlovchi soha vakili hisoblanadi. Soʻzlarni tartibga keltirib oʻqish uchun qulay holatga keltirib beradi. Tushunarli boʻlishi uchun buni matnlar koʻrinishida izohlashga harakat qilaman. 23-dekabrdan 25-dekabrgacha elektr taʼminotida uzilishlar kuzatiladi Ob-havoning keskin tushib ketishi natijasida elektr uzatuvchi qismlardagi nosozlik tufayli taʼmirlash ishlari olib boriladi. Uyingizni isitish choralarini oldindan koʻrib qoʻying. ------------------------------------------------------------ 23-dekabrdan 25-dekabrgacha elektr taʼminotida uzilishlar kuzatiladi Yangi yil munosabati bilan elektr energiyasiga talab kuchayishini inobatga olib, 2 kun mobaynida tizimdagi nosozliklar tekshiriladi. Bu noqulaylik siz bayramni yorugʻ va issiq uyda kutib olishingiz uchun amalga oshiriladi. Kelayotgan yil sizga olam-olam quvonch olib kelsin! ----------------------------------------------------------- Eʼtibor qilgan boʻlsangiz, ikkala matn ham bir xil mazmunda berilyapti lekin 1-matnni oʻqiyotgan insonda shu sohaga nisbatan norozilik paydo boʻladi. Lekin 2-matnda isteʼmolchi noqulay boʻlsada, lekin bu uning foydasiga ekanligini bemalol anglay oladi. Hech qanday tushunmovchilikka oʻrin qolmaydi. Kopirayter shunday vazifani bajaradi. Loyihalaringizni maqsadi, afzalliklarini imloviy xatolarsiz oddiy xalqona usulda insonlarga yetkazib beradi.