Boyovut ovozi | RASMIY ️️

Sirdaryoda yangi "WULING N111" avtomobili ishlab chiqarila boshlandi

Sirdaryo tumanidagi Asaka Motors avtomobil zavodida yo‘lovchilar va yuk tashishga mo‘ljallangan yangi "WULING N111" avtomobili ishlab chiqarila boshlandi.

"WULING N111" yetti kishini sig‘dira oladi, uning uzunligi 3 797 mm, kengligi 1 510 mm, balandligi esa 1 820 mm. Avtomobil 82 ot kuchiga ega bo‘lgan 1,2 litrli injektor atmosferali dvigatel bilan jihozlangan. O‘rtacha yonilg‘i sarfi 100 km uchun 6,3 litrni tashkil etadi va yonilg‘i baki hajmi 38 litrga teng. Standart to‘plam konditsioner, ABS tizimi va boshqa xavfsizlik elementlarini o‘z ichiga oladi.

Asaka Motors International kompaniyasi boshqaruvi raisi Avazbek Jalilovning ta’kidlashicha, hozirda mijozlar avtomobil uchun oldindan buyurtma berishlari mumkin.

Qo‘shimcha ma’lumot uchun:
Telefon: +998 55 503 02 09
Email: info@asaka-motors.uz

| Telegram  |Web-site |Facebook | Instagram |YouTube |

Sayyor qabul o‘tkazildi

Budjetdan tashqari Pensiya jamg‘armasi Sirdaryo viloyati boshqarmasi boshlig‘i Quvonchbek Xamdamov ishtirokida Boyovut tumani "Madaniyat" mahallasida navbatdagi sayyor qabul bo‘lib o‘tdi.

Qabul davomida fuqarolar tomonidan bildirilgan murojaatlar eshitildi, mavjud muammolarni aniqlash va tezkor choralar ko‘rish, ularni bevosita joyida bartaraf etish hamda pensiya tizimida bo‘layotgan o‘zgarishlarning mazmun-mohiyati to‘g‘risida tushunchalar berildi.

Shuningdek, pensiya ta’minotiga oid masalalar yuzasidan savol va javoblar asosida ochiq muloqot bo‘lib o‘tdi.

| Telegram  |Web-site |Facebook | Instagram |YouTube |

Bugun 22-yanvar kuni Xalq deputatlari Sirdaryo viloyati kengashining navbatdan tashqari sessiyasi bo‘lib o‘tdi

Unda O‘zbekiston Respublikasi Bosh vaziri Abdulla Aripov ishtirok etdi.

Sessiyani Xalq deputatlari viloyat Kengashi raisi Pokiza Axmedjanova olib bordi.

Keyingi yillarda hududda qishloq xo‘jaligi, iqtisodiyotini rivojlantirish, investisiya va tadbirkorlik muhitini yaxshilash, aholining ijtimoiy sharoitlarini yuksaltirish va boshqa yo‘nalishlarda yo‘l qo‘yilgan kamchiliklar tanqidiy muhokama etilib, qo‘shimcha vazifalar belgilandi.

Kun tartibiga muvofiq tashkiliy masala ko‘rildi.

O‘zbekiston Respublikasi Prezidentining tegishli farmonlariga asosan Turdimov Erkinjon Oqbo‘tayevich Sirdaryo viloyati hokimi vazifasini bajaruvchi etib tayinlandi.

| Telegram  |Web-site |Facebook | Instagram |YouTube |

Dala chetlaridan oqilona foydalanish qo'shimcha imkoniyat - qo'shimcha daromad manbai

Boyovut tumanida "Qishloq xo‘jaligi maydonlaridagi qo‘shimcha imkoniyatlardan foydalangan holda mahsulot yetishtirishni yo‘lga qo‘yish” mavzusida amaliy seminar o'tkazildi.

Amaliy seminarda O‘zbekiston fermer, dehqon xo‘jaliklari va tomorqa yer egalari kengashi raisining o‘rinbosari Komiljon Sobirov, tuman sektor rahbarlari, qishloq xo'jaligi sohasi tashkilotlari hamda fermer xo‘jaliklari rahbarlari ishtirok etdi.

Seminar davomida Prezidentimizning 2024-yil 30-dekabrdagi “Qishloq xo‘jaligi maydonlaridagi qo‘shimcha imkoniyatlardan foydalangan holda mahsulot yetishtirishni ko‘paytirishga doir chora-tadbirlar to‘g‘risida”gi PQ-465-sonli qarorining mazmun-mohiyati tushuntirilib, mahsulot yetishtirishdan tortib eksport qilishgacha bo'lgan tavsiyalar berildi.

Xususan, qarorga ko‘ra tuman hududida dala chetlari, kanallarining atrofidagi maydonlarda, aholi tomorqasi, xonadonlar va ko‘p qavatli uylar oldi hamda mahallaning ichki ko‘chalaridagi yer maydonlariga mevali daraxtlar, olcha, olxo‘ri, behi, chilon jiyda kabi daraxt ko‘chatlarini qay tartibda ekish va parvarishlash ko‘rsatib berildi.

| Telegram  |Web-site |Facebook | Instagram |YouTube |