#شعر_بروجردی💥گفتگوی مادر و فرزند با گویش
بروجردیدرد و بِلات وِ کولم ، چّن روزه مَه بی پولِم
کپک زیَه دِ سفره ، مینِش نونی نَمُنَه
حالا دِ ای شَوِسو، مَه مونَم و زِمِسو
برف آمیَه حِساوی ، نَم رَفتَه مینِ قالی
دیوارا خیسِ خیسَه ، رنگاش شیَه پِلیسَه
زو دِ دونِم خُشکِسَه ، اِوا هَمَه یَخ بَسه
اِی روله عَزیزِم ، چَن روزَه مَه مَریضِم
وِرَم جونی نَمونَه ، اِفتیَم مینِ خونَه
سرما زِنِس وِ پَلوم ، سرفَه اِفتا دِ گَلوم
اِو اَ پِتِم را اِفتِا ، کوخَه اَمونِم نَدا
@Boroujerdia_94 👈گُر گُر گرما دارِم ، سَری چو تَلوا دارِم
صدا زنگی نِیاما ، وِ جاش تَنایی آما
چُونه یِهو چینی شد ، دّس و بالم پَتی شد
مویا سَرِم سفید شد ، نور چِشام ضعیف شد
بیا عزیزِ جونِم ، دِنو اِفتا دِ دونِم
باشَه عزیز جونِم ، قِضا بِلات وِ کولِم
مَرِفتی مَه غَریوَم ، از اولش نَوی ام
بوه نِنَه سیخی چَن ، حالِ بَچَسب و بَخَن
هر چی که داشتِم بُردا ، روح مَنِه آزُردا
خدا مِینَه شی کِردِم ، تا که بزرگش کِردِم
وا دَس و بال خالی ، زیلو و سفرَه خالی
سیر و پُرش مِکِردِم ، شوآ گُشنَه مُخُفتِم
شِو که مِشُد مُخُفتِس ، درد وِ معده م مِچُوکِس
فکر خدا نَکِردا ، وا ای کاری کِه کِردا؟
حالا شیه رئیسی ، نگفت نِنَه تو هیسی!؟
دِ ای دو روزِ دنیا ، نامردی کِردَه غوغا
نفس دِ سینه حَبسَه ، زِنه ای دیَه بَسه
✍ معین
بروجردی/ همشهری
کانال رسمی بروجردیها
👇https://telegram.me/joinchat/AAAAADv7PURHNRrh0QguyQ