ЖОНКУЯР ОНА! Ишга боргин тур болам, Биров ўрнинг олмасин. Нонуштанг тайёр болам, Чойинг совуб қолмасин. Чойларингни жон болам, Сочиққа ўраб қўйдим. Бир тишлам нон емасдан, Дема болам, йўқ тўйдим. Сени ўйлаб койисам, Ўжарлигинг бошлайсан. Оч қоринга жон болам, Айтгин қандай ишлайсан? Худо асрасин дейман, Болам сени жонингни. Ёмонларга қўшилмай, Ҳалол топгин нонингни. Сахар туриб намозимда, Сенга омад сўрайман. Кўз ёш тўкиб атрофингни, Дуо билан ўрайман. Йиғлаб-йиғлаб айтаман, Беш маҳал кўнгил сирим. Паноҳида асрасин, Қўлласин йигит пирим. Ишга боргин, тур болам, Биров ўрнинг олмасин. Нонуштанг тайёр болам, Чойинг совуб қолмасин. Асли ҳаёт бешавқат, Умрим етар адоғига. Жоним қурбон бўлсин болам, Қўлларингни қадоғига. Каналга обуна бўлиш учун ушбу линкни босинг 👇🏻👇🏻 https://t.center/+3DY3uc9J-j04YmNi