- في عز التعب و الهوان النفسي البنمر بيهو كلنا ، عارفين نحنا داخلين على شنو ؟ - داخلين على ال ١٠ الأوائل من ذي الحجة الأيام الرسولنا الكريم قال لينا عنهم إنهم أفضل أيام السنة ! السنة كلها ؟ ايوه السنة كلها ، أفضل أيام ممكن تتعبد فيها لله . يعني كمية الرحمات ، و تقبل التوبة ، و الثبات على التوبة ، و استجابة الدعوات و الزيادة في الأجر الفي الأيام دي. كل الفي نفسك تقريبا مع ربنا حتلاقيه في الأيام دي. طيب شنو أفضل حاجه ممكن أعملها في الأيام دي ؟ ماف حاجه خير تقدر تعملها إلا و تجتهد فيها و تعملها ، بس أهم حاجه لسانك يلازم الذكر معاها . يعني حتصلي كتير ؟ حتصوم ؟ حتتصدق ؟ كل حاجه من ديل زود معاها الذكر ، في كل وقت و كل مكان . فاكرين أيام العشر الأواخر من رمضان كنا داخلين بهمة كيف ؟ أدخل بنفس الهمة و أكتر ، العشر أيام حنصومهم ، حنختم فيهم ختمة ( ٣ أجزاء كل يوم ) قيام ليل على قدر ما تقدر. و كله كوم و يوم عرفه ده كوم تاني الدعوات بتستجاب فيه بشكل ما تتخيلوه . ده غير انو صيامه بيكفر سنة قبل و سنة جاية. الصحابه كانو بقعدو السنة كلها يستعدو لدعاء اليوم ده و كانت أغلب أدعيتهم بالفعل بتستجاب قبل السنة البعدها . يا الله سبحانك يارب ، الله بِشعر بينا و رحيم بينا والله الواحد روحه عطشانه و قلبه مُنهك..🙇🏼‍♀🖤!